radheef.info
ރަދީފު


ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ހަނދު
ނ (1) ބިމުގެ ވަށައިގެން ދައުރުކުރާ ތަރިއެއް މިއީ އިރުން އެއަށް އަލިކަން ލިބިގެން ރޭގަނޑު ބިމަށް އަލިކުރާ ތަރިއެކެވެ (2) ތަރިއެއްގެ ވަށައިގެން ދައުރުކުރާ ފިޔަޖަހާ ތަރިއަކުން އަލިކަން ލިބިގެން އެތަބާވާ ތަރިއަކަށް އަލިފޮނުވައިދޭ ތަރިއެއް
އިށަ
ނ )ޏ ( މަހުގެކޮތަރި
އިށަވާ
ނ )ސ ( (1) މަހުގެ އުރަހަ (2) ކޮތަރި
އިށަފަތް
ނ )ސ ( މަހުގެކޮތަރި
ފަތިހުގެތަރި
ނ ފަޖުރުތަރި
ފަތިސް
ނ (1) ފަޖުރު ތަރި އެރީއްސުރެ އިރުއަރަން ފެށުމާ ދެމެދު (2) މަޖާޒު: އުއްމީދު (3) ރަނގަޅު ހެޔޮ ފެށުމަކަށް ތައްޔާރުވާން ފަށާފެށުން
ހަތޭލިކަށި
ނ ނާފަހަރުގެ ރިޔަލާއި ސަތަރިއާއި ގޯނިފަދަތަކެތި ފަހަން ގެންގުލޭ ފަގަ ހުންނަ ކައްޓެއް މީގެ ތުނޑަށްވީކޮޅު އޮންނާނީ ތިން އަރިއަށް ވާގޮތަށް ކުޑަކޮށް ފަތާކޮށެވެ ތުނޑު ހުންނާނީ ކުޑަގޮތަކަށް މައްޗަށް ޅެނބިފައެވެ
ހަތްތަރި
ނ (1) ހަތްދިހަ. (2) ހަތެއްގެ ދިހަގުނަ. (3) ޒުހަލު މުޝްތަރީ މިއްރީޚު ޝަމްސު ޒުހުރަތު ޢަޠާރިދު ޤަމަރު މިއީ ގުރަހައިގެ ހަތްތަރިއެވެ
)ފަޖުރުތަރި( ހަސަނާތުތަރި
ނ ފަތިހަށް އަރާ އަލިގަދަ ތަރިއެއް މިއީ ފަޖުރުއްޞަދިޤު ތަރިއެވެ
ހިނގާތަރި
ނ ދައުރުކުރާތަރި
ހިނގުން
މ (1) ދިރޭތަކެތީގެ ތެރެއިން ހަތަރެސްފައި ހުންނަ ޖަނަވާރާއި ދެފައި ހުންނަ ތަކެތި ފައިގެބޭނުންކޮށްގެން ކޮންމެވެސް ކޮޅަކަށް ދިއުން (2) އިރުހަނދާއި ތަރިތަކާއި ފަލަކުތައް އެނބުރުން (3) މެޝިނާއި އިންޖީނުގެސޯބުތައް އެނބުރި އެނބުރިހުރުން (4) ދުނިޔޭގެ ކަންތައް ވޭވެހުރުން (5) ހެލިހެލި ހުރުން މިސާލަކަށް: ގަޑީގެ ބަރު ހިނގުން (6) ޖައްވީ އުޅަނދުން ބޭރުގައި ހަވާގެ ތެރޭގައި އިންސާނުން އެއްތަނުން އަނެއްތަނަށް ދިޔުން (7) ލެޔާއި ފެންފަދަ ތަކެތި ހޮޅިހޮޅީގައި ނުވަތަ ނާރުތަކުގެ ތެރޭގައި ދައުރު ކުރުން (8) ފެންފެންގަނޑާއި ކޯރުކޯރާއި ކަނޑުގައި ފެނާއި އޮއި ދަތުރު ކުރުން (9) ޢާންމުކޮށް ގަބޫލުކުރުން )01( ހަލުއިކޮށް ވިކުން
ހިންދުކޮކާބިބީ
ނ ކޮކާބިބީގެ ބާވަތެއް މިއީ ދެއަރިމަތީގައި ހުދުކުލަ ހުންނަ މަހެކެވެ މިމަހުގެ ބޮލުގައި ލޯހުރަސްކޮށް ކަޅުކުލައިގެ ވަރަށް ފުޅާ ރޮނގެއް ދެމިފައި ހުރެއެވެ މަހުގެ ކޮތަރިބައިގައި ހުންނަނީ ރީނދޫ ކުލައެވެ މަހުގެ ދެއަރިމަތީގައި ދެކަތްޕަށް ހުންނަ އަޅިކުލައިގެ ފަނޑު ރޮނގެއް ހުރެއެވެ
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހުރަސްގަޅިލޮނދިމަސް
ނ ފަރުފަޅުގެ އުރަފަށުގައި ދިރިއުޅޭމަހެއް މީގެ ކުލައަކީ މަޑުރީނދޫކުލައެވެ މަހުގެ ބުރަކަށިމަތީގައި ކޮތަރިބައިގެ ކުރީކޮޅުން ފެށިގެން ލޯ ހުރަސްކޮށް ތިރިއަށް ގަދަމުށިކުލައިގެ ރޮނގެއް ހުރެއެވެ މިބާވަތުގެ މަހުގެ ބޭރު ހަމުގައި އާދަޔާ ޚިލާފު ވިހައެއް އެކުލެވޭ ލޮނދީގެ ފަށަލައެއް ހުރެއެވެ
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދެންމަސްދަރި
ނ )ހ.( އެމުގެ ބާވަތެއް. މިއީ ބުރަކަށި މަތީގެ ކޮތަރިބައި މަޑުނޫކުލައެއް ހުރެފައި ބަނޑުދައްފަރާތް ހުދުކުލައިގައި ހުންނަ 2 އިންޗިވަރުގެ ކުދިއެމެކެވެ. މިގިނައިން ހުންނަނީ އެންދަމާއިރު އެންތަކުގެ ތެރޭގައެވެ. މިގިނައިން ހުރެއްޖެނަމަ މަސްވެރިކަން ވަރަށް ރަނގަޅުވާނެއެވެ
ހެދިހަނދު
ނ އިންސާނުން އެކިއެކިބޭނުމަށްޓަކައި އެކިއެކި ތަރިތަރީގެ ވަށައިގެން ދައުރުކުރާގޮތަށް ޖައްވުގެ ތެރެޔަށް ދޫކުރާ ކޮންމެ އެއްޗެއް
ހޮނޑަލި
ނ އެމުގެ ބާވަތެއް މިއީ ހިމަދިގުކޮށް ހުންނަމަހެކެވެ މަހުގެ މަތީ ބައިގެ ކުލައަކީ ނޫކުލައެވެ މަހުގެ ބަނޑުދަށާއި އަރިމަތީގެ ކުލައަކީ ރިހި ކުލައެވެ މަހުގެ މަތީކޮތަރިހުންނާނީ މަހުގެ މެދެއްހާ ހިސާބުގައެވެ
ހޮން ބޮއް
ނ )ސ ( ކުޑަފަރުމަހެއް މިއީ މަޑު ރީނދޫ ކުލައިގެ މަހެކެވެ މިމަހުގެ ބޮލުން ފެށިގެން ނިގޫފަތާ ހަމައަށް ރީނދޫކުލައިގެ ފަސްރޮނގު ހުރެއެވެ ބުރަކަށިމަތީގެ ކޮތަރިބައި ނިމޭ ހިސާބުގައި ގަދަ ރީނދޫކުލައިގެ ލަފެއް ހުރެއެވެ