radheef.info
ރަދީފު


ދާން
ނ (1) މޮޅަށް ތައްޔާރުކޮށްފައި ހުންނަ އެނދު. (2) ތަންމަތި. (3) ތަޚްތު. (4) ދިއުން މިބަސް ކުރުވުމަށް ބުނާގޮތް މިސާލު: އެގެއަށްދާން ހިނގާށެވެ
ހަނދާނީހަދިޔާ
ނ ކަމެއްގެ ހަނދާން ދެމެހެއްޓުމުގެ ގޮތުން ދޭއެއްޗެއް
ހަނދުމަނެތުން
މ ހަނދާންނެތުން
ހަނދުމަކުރުން
މ ހަނދާން ކުރުން
ހަނދުމަވުން
މ ހަނދާންވުން
ހަނގުރާމަބިން
ނ (1) ހަނގުރާމަ ކުރާ ބިން (2) ހަނގުރާމައިގެ މައިދާން
އިންދުން
މ (1) ގަސް ރޯދަނޑިފަދަ އެއްޗެތި ހައްދާން ބިމަށްހެރުން (2) އޮށްފަދަ އެއްޗެތި ފަޅުވާން ބިމުގައި ވަޅުލުން (3) ވަޅިފުރޯ ފޮނުމަތް ފަދަ އެއްޗެތީގެ ތިލަމުށްގަނޑުގައި ހަރުކުރުން (4) ދެލަކުޑިގަނޑު ޅިސް ލައިގެން ހަރުލެއްވުން
އިންތިހާ
ނ (1) ކޮޅުނެތްކޮޅު (2) ކަމެއްގެންދެވޭން އޮތް އެންމެމަތީ ދަރަޖަ (3) އެކމެއްދާންއޮތް އެންމެދުރުހިސާބު
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
ހައްދަށް އެރުން
މ ކަމެއްދާންއޮތް އެންމެމަތީ ދަރަޖައަށް ދިއުން
ހައްދުފަހަނަޅައި ދިއުން
މ (1) ދާންވީ ހިސާބަށްވުރެ މާއިތުރަށް ދިއުން (2) ނުބައިކަމުގެ ކޮޅެއްނެތުން
ހަދުމަބެހެއްޓުން
މ ހަނދާން ބެހެއްޓުން
ހަތައިވަރަ
ނ ޤައުމީ އުފެއްދުންތެރިކަމުގެ މިންވަރު. މީގައި ބަލަނީ ވަކި މުއްދަތެއްގެ ތެރޭގައި )މިސާލަކަށް އަހަރު ދުވަހަކަށް( ތަނުގައި އުފައްދާ ހުރިހާ އެއްޗަކާއި ދޭ ޚިދުމަތާއި ތަނުގެ މީހުން ބޭރުގައި ކުރާ ޚިދުމަތަށް ލިބޭ އަގުގެ ޖުމްލައިން ބޭރަށްދާންޖެހޭ ހުރިހާ ޚިދުމަތެއްގެ އަގު ކެނޑީމާ ނުކުންނަ އަދަދެވެ
ހާލިވުން
މ )ސ ( (1) އޮޅުންބޮޑުވުން (2) ބިސްމަތީގައި ނިދާންފެށުން
ހާޒިރީ
ނ ގަޑިގަޑިއަށް ތަންތަނަށް ދާންޖެހޭ މީހުންނާއި އިސްކޫލަށް ދާކުދިން އެތަނަށް ދިޔަކަމަށް ފާހަގަލާ ނުވަތަ ސޮއިކުރާ ފޮތް
ހިއްޗިގޮނު
ނ )ސ ( ރޯދަމަހު އިރުއޮއްސޭ ވަގުތަށް ރޯދަވީއްލަން އަތިރިމައްޗަށް ގެންދާން ކާތަކެތި އަޅަން ފަނުން ވިޔެފައި ހުންނަގޮނު
ހިތަށްއެރުން
މ (1) ހަނދާންވުން (2) ހިތްމައްޗަށް އައުން
ހިތީބެރު
ނ ހިތީ ކިޔަވާންދާން އެންގުމަށް ހިތިދުވަހު ޢަޞުރަށް ގޮވީމާ ޖަހާއުޅުނު ބެރު
ހިތީކޮލި
ނ ހިތިދުވަހު ހެނދުނު އެދުވަހު ހިތީ ކިއެވުމަށާއި ކިއަވާންވީ ތަނަށް ދާން އެނގުމަށް ލާ ކޮލި
ހިތުންފިލުން
މ (1) ހަނދާންނެތުން (2) ކަމަކާމެދު ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނެތިގެންދިއުން
ހިތުންފިލުވުން
މ (1) ހަނދާން ނައްތައިލުން (2) ކަމަކާ ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނައްތައިލުން