radheef.info
ރަދީފު


ފިޔާތޮށިކުލަ
ނ (1) ރަތްކުލަ ފަނޑުވަމުންގޮސް އެންމެފަހުން ހުންނަކުލަ (2) ފިޔާގެ ތޮށީގައި ހުންނަ ކުލަ (3) ޤައުމީ ފިނިފެންމަލުގެ ކުލަ
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ބޮޑަހަނދި
ނ ފަރުމަހުގެ ބާވަތެއް މިއީ ފަޅުފަޅާއިފަރުގެ ގާތަކުގެ ތެރޭގައި އައިން ހަދައިގެން އުޅޭމަހެކެވެ މިމަހުގެ ލޯބޮޑުވެފައި ހުޅުނބު ގިނަވާނެއެވެ ތާފަތުގެ ކައިރީގައި ކަށްޓެއްހުންނާނެއެވެ މިއީ ރީނދޫ މަހާއި ދާދިއެއް ވައްތަރަކަށްދާ މަޑު ފިޔާތޮށިކުލައެއް ހުންނަ މަހެކެވެ
ކަށިތުންފިލޮޅު
ނ ފިލޮޅުގެ ބާވަތެއް މިފިލޮޅުގެ ކަރުތާފަތްގަނޑާއި ބޮލުގެ މަތީބައިގައި ހުޅުނބެއް ނުހުރެއެވެ ކަރުތާ ފަތްގަނޑުގެ މަތީބައިގައި ރަތްކުލައިގެ ލަފެއް ހުރެއެވެ މަހުގެ ކުލައަކީ މަޑު ވައިލެޓުކުލައަކާ ގުޅޭ މުށިކުލައެކެވެ މަހުގެ ތުން ހުންނަނީ ފިޔާތޮށިކުލައިގައެވެ
ކާށިހިކާ
ނ ހިކާގެ ބާވަތެއް. މިމަހުގެ ކުލައަކީ ގުރާފެހި ކުލައެވެ މަހުގެ ހުރަހަށް ކަޅުކުލައިގެ ފުޅާ ހަރޮނގު ހުރެއެވެ މަހުގެ ބޮލުގައި ފިޔާތޮށިކުލައިގެ ކުރެހުންތަކެއް ހުރެއެވެ
މަދަރާސީމަސް
ނ ފަޅުފަޅުން ވަރަށް މަދުން ފެންނަމަހެއް މީގެ ކުލައަކީ ފަނޑު ހުދު ކުލައެވެ ބޮލުގެ ކުލައަކީ ފިޔާތޮށިކުލައެވެ
ފިނިފެންމާކުލަ
ނ މަޑުފިޔާތޮށިކުލަ
ދޮންބުރެކި
ނ ދިރޭއެމުގެ ގޮތުގައި މަސްބޭނުމަށް ބޭނުންކޮށްއުޅޭ މަހެއް މިއީ ރަށްރަށާއި ފަރުފަރުގެ ބޭރުމަތީގެ މުރަކަތަކުގެ ކައިރީގައި ކުދިއައިން ހަދައިގެން ބައިބަޔަށްއުޅޭ މަހެކެވެ މިމަހުގެ ނަގޫފަތް ހުންނަނީ ވަރަށްބޮޑަށް ދެކަފިވެފައެވެ މަހުގެ މަތީބައިގެ ކުލައަކީ ފިޔާތޮށިކުލައެވެ އަރިމައްޗާއި ބަނޑުދޮށުގެ ކުލައަކީ ރީނދޫކުލައެވެ