radheef.info
ރަދީފު


ފާލަން
ނ (1) ފުރާ ދުއްވާ އެއްޗެހި ގާތްކޮށް މީހުން އަރާ ފޭބުމަށާއި މުދައު އަރުވައި ބޭލުމަށް ގޮނޑުދޮށުގައި ތަނބުޖަހައިގެން ނުވަތަ ގަލާއި ވެލި އަޅައި ހިއްކައިގެން ހަދައިފައި އޮންނަތަން (2) ދެތަނެއް ގުޅުވުމަށް ކޯރުކޯރާއި ފެންފެންގަނޑު ފަދަ ތަންތަން ހުރަސްކޮށް މީހުން ހިނގުމަށާއި އެއްޗެހި ދުއްވުމަށް ތަނބުޖަހައިގެންނާއި ހިއްކައިގެން ނުވަތަ ފަތިތަކެއް ހަނިދިގުކޮށް ގަތައި އެލުވައިގެން ހަދައިފައި ހުންނަ މަގު
ފަތި
ނއ (1) ތުނި. (2) )ނ.( ސަފު. (3) އެކައްޗާޖެހި އަނެކަތި އަމުނައި ފައި އޮންނަ އެތި. މިސާލު: މާފަތި މަސްފަތި (4) ދެފޮތިގަނޑެއް ގުޅުމަށް ނުވަތަ ފޮތިގަނޑުގެ ދެފަރާތް ހިފާލަން ޖަހާ ރޮދި (5) ވަކަރު ނުވަތަ ލަކުޑި ނުވަތަ އެނޫންވެސް އެއްޗެއްގެ ހަނިދިގުކޮށް ތުނިކޮށް ހުންނަ ބައިބައި
ބަޙުރުކިޔެވެލި
ނ (1) ޚިޒުބުލް ބަޙުރު (2) ބަޙުރު ދުޢާ (3) ކަނޑަށް ފާލަން އަޅައިގެން ކިޔަވާ ކިޔެވެލި
މަގަތު ފާލަން
ނ މުދައު އުފުލާ ބޯޓުފަހަރު އައިސް އެ ފާލަމެއްގައި ބަނދެލައިގެން އެއްގަމަށް މުދައު ބޭލޭ ގޮތަށް ހުންނަ ފާލަން
މުޑި
ނ (1) ދަނޑިފަނުން ގެދޮރުފަދަ ތަންތަނާއި ފުޅައްއަޅާއިރު އެތަން ހިފެހެއްޓުމަށް އެކި ހިސާބުން ބިމަށްޖަހާފަލަ ދަނޑި ނުވަތަ ހޮޅު (2) އޮޑި ދޯނިފަހަރު އެހެލައިފައި ހުންނައިރު އޭގެ ދެފަރާތުން ވިއްދައިފައި ހުންނަ ފަލަ ލަކުޑި ބުރިތައް (3) ފާލަން ހިފެހެއްޓުމަށްޓަކައި ބިމަށްޖަހާ ރުއްގުޅި ފަދަތަކެތި ނުވަތަ ކޮންކްރީޓް ތަނބު (4) ކާށީގެ އެތެރޭގައިހެދޭ މަޑުކަމެއް ހުންނަ ބޭރު މަޑުރީދޫކޮށް އޮންނަ އެތެރެ ހުދު މީރު ފޮނި އެއްޗެއް
ފަތްކޮޅުބާލާލަވަ
ނ (1) ހޭރިޔާ )ދަނޑިބެރުގެ ލަވައެއް ( (2) ފަތްކޮޅު ބާލައިގެން ބޮޑުފާލަން މަތިން ގަނޑުވަރަށް ގެންދާއިރު ފުމޭ ލަވަ