Radheef, ދިވެހިބަހުގެ ރަދީފު، ފާތިޙާގެ މާނަ

radheef.info

ނ މަރުވެފައި ތިބޭ މީހުންނަށް ރަޙުމަތް ލެއްވުމަށް އެދި ކުރާ ހެޔޮދުޢާ

ހަތަރުބޯފޮޅި

ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.

ހިތިދުވަސް

އަހަރުމަތި

ނ (1) މަރުވީމީހާއަށް އަހަރު ފުރޭ ދުވަސް (2) އަހަރު ފުރުމުގެ ފާތިޙާ

ރުއްހިންނުން

މ ރުކެއް ރާކުރުމަށް ސަލަވާތް ފާތިޙާ ކިޔަވައި އިރުވަރުން އެކަން ފެށުން

ބޮޑުހިތި

ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް

ބޮޑުފާތިހާ

ނ (1) ގިނަ މީހުންނަށް ކާންދީގެން ކިއުއްވާ ފާތިޙާ (2) ވަޖިދުވާ ތާރަޖަހާ މީހުން ޢަބްދުލްޤާދިރުގެފާނުންގެ އަހަރުމަތި ދުވަހު ކިޔަވާ ފާތިޙާ

ބޯފޮޅިފާތިހާ

ނ ބޯފޮޅިދުވަހު ވަލީވެރިންނާއި އެދުރު ބޭކަލުންނަށް ކިޔަވާ ފާތިޙާ

ކަންޒޫރިކިޔެވުން

މ ކަނޑުމައްޗާ ބެހޭގޮތުން ޒިޔާރަތަށާއި މަޤާމަށް ފާތިޙާ ކިޔެވުން

ކުޑަހިތި

ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަކުރި ދެދުވަހާއި އެދެދުވަހުގެ ރެއަށް ކިޔާއުޅުނު ނަމެއް. ރަމަޟާންމަހުގެ 26 ވަނަ ދުވަހަކީ ހޭންވޭރު ކުޑަހިތި ދުވަހެވެ. އެދުވަހުގެރެއަކީ ހެންވޭރު ކުޑަހިތިވިލޭރެއެވެ. ހެންވޭރު ކުޑަހިތިވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ މެދުޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. ދެން އަންނަނީ މާފަންނު ކުޑަހިތިދުވަހެވެ. އެއީ ރަމަޟާންމަހުގެ 28 ވަނަ ދުވަހާއި އެދުވަހުގެރޭ 29 ވިލޭރެއެވެ. މިރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ފަޤީހުސުލައިމާނުގެ ޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. (2) ކ އަތޮޅުގެ ފަޅުރަށެއް

އޮގަރު ފާތިޙާ

ނ (1) އޮގަރުމަސް ލިބޭމީހާ އަހަރަކު އެއްފަހަރު ކައްކައިގެން ކިޔަވާ ފާތިޙާ (2) ކަޑުމަތި ފާތިޙާ

އޮގަރުމަސް

ނ (1) ޞަލަވާތްފުޅާއި ފާތިޙާފަރިއްކޮޅު ކިޔެވުމަށް މަސްދޯނިފަހަރުން ދޭމަސް (2) ފަންލީ މަސް

މަހާނަދޮށަށްދިއުން

މ މަހާނަ ހުރިތަނަށްގޮސް ފާތިޙާ ކިޔެވުން

މަސްމަތިބެލެހެއްޓުން

މ މީހާ މަރުވުމުން އަހަރުވަންދެން ފާތިޙާ ދުވަސް ފާހަގަކުރުން

މަސްމަތިކިޔެވުން

މ މީހާ މަރުވުމުން ކޮންމެ މަހެއް ފުރޭ ދުވަސް ފާހަގަކޮށް ފާތިޙާ ކިޔެވުން

މަސްފުޅު

ނ (1) ގަނޑުވަރު ތެރެއަށް ގެންދާ ދަނޑިމަސް (2) ތަބްރޭޒުގެ ފާނާއި އިސްކަންދަރު ރަސްގެފާނާ ދެބޭފުޅުންގެ ފާތިޙާ ފަރީއްކޮޅަށް ގަނޑުވަރުތެރެއަށް ގެންދާމަސް

މަސްދޯނިބޭލުން

މ މަހަށް ހެޔޮކުރުމުގެ ބޭނުމުގައި ދޯނި ތައްޔާރުކޮށް ޞަލަވާތް ފާތިޙާ ކިޔަވައި ދޯނިބޭލުން

މޭރެފަންގެޔާ

ނ )ގ.( މާކެޔޮޅުކަމުދާއިރު "މިޔަރުފާތިޙާ" ކިޔަވަން އެދުރުމީހާ އިންނަ ފަންގަނޑު