radheef.info
ރަދީފު


ފަތި
ނއ (1) ތުނި. (2) )ނ.( ސަފު. (3) އެކައްޗާޖެހި އަނެކަތި އަމުނައި ފައި އޮންނަ އެތި. މިސާލު: މާފަތި މަސްފަތި (4) ދެފޮތިގަނޑެއް ގުޅުމަށް ނުވަތަ ފޮތިގަނޑުގެ ދެފަރާތް ހިފާލަން ޖަހާ ރޮދި (5) ވަކަރު ނުވަތަ ލަކުޑި ނުވަތަ އެނޫންވެސް އެއްޗެއްގެ ހަނިދިގުކޮށް ތުނިކޮށް ހުންނަ ބައިބައި
ހަންގިލި
ނ )މަލިކު( ކިހިލިފަތި
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެސްމައު
ނ އޮށްބޭހުގެ ތެރޭގައި ހިމެނޭ އެއްޗެއް. ވަށްކޮށް ފަތިކޮށް އެއްފަރާތަށް ކުޑަ ފުއްޕުމެއް ލައިފައި އަދި އެފުއްޕުމާ ދިމާއިން އަނެއްފަރާތުގައި ކުޑަ އަޑިކަމެއް ހުންނަ ހުދުކުލައިގެ ހަރު އެއްޗެއް އޭގެ ކައިރިފަށުގައި ދެފަޅި ތަތްކޮށްފައި ހުންނަ ކަހަލަ ގޮތެއް ހުންނާނެއެވެ އަދި ގޭނީމާ ތެރަސްކަންވެސް ހުންނާނެއެވެ
ވަރަލުން
މ (1) ގުޑިއެރުވުމުގައި ބޭނުންކުރާ އޮނުފަތިރާރާގައި ވައިގެ ބާރުން އަޑުނެރޭން ކަށިކެޔޮފަތުން ނުވަތަ އެހެންވެސް އެއްޗަކުން ފަށެއް ހަރުކުރުން (2) ބައެއްކުޅިވަރުގެ ތެރޭގައި ދޫނީގެ ފިޔަގަނޑެއްގެ ސިފައިގައި މީހުންގެ ހަށިގަނޑުގައި ފިޔަހަރުކުރުން
ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
ވަރުނައަބާރަނަ
ނ )ބދ ( އަލިމަހުގެ ގިލަފަތި
މިނާފަތި
ނ. (1) މިނާ އަމުނައިގެން ހަދާ ގިލޭ (ގިލަފަތި) (2) ރޮދިފަދަ އެއްޗަކަށް އަމުނައިފައި ހުންނަ މިނާތަކެއް (3) (ހ) ތަސްބީޙަ
ފަތާ
ނ (1) އެމުގެ ބާވަތެއް. (2) ނއ. ފަތިކޮށް ހުންނަ ނުވަތަ ތިލަކޮށް ހުންނަ ތަށި މިސާލު: ފަތާތަށި (3) "ފެތުން" މިބަހުގެ އަމުރު މިސާލު: ބާރަށް ފަތާ! (4) ފެތުން މިބަހުގެ ވޭވޭހުރިކަން މިސާލު: އޭނާ ކޮންމެ ދުވަހަކު ފަތާ (5) )ޏ ( ފެންފޯއްރުކުގެ ފާޅަ
ފަތާކުރުން
މ (1) ތުނިކުރުން (2) ފަތިކުރުން (3) ބޯމިނުން އުނިކުރުން
ފަތާވުން
މ (1) ތަނެއް ނުވަތަ އެއްޗެއް ނުވަތަ މީހަކު ތިރާވުން. (2) ފުންޏަކަށް ހުންނަ އެއްޗެއްގެ މައްޗަށް އަރައި އުޅުމުގެ ސަބަބުން އެ ފުނިވަރު ފެތުރުން (3) ފަތިވުން
ފަތިހުގެހާ
ނ ފަތިހަށް ގޮވާ ހާ
ފަތިފީރު
ނ ފީރުގެ ފަތިކޮށް ހުންނަ ވައްތަރު
ފަތިގަނޑު
ނ (1) ލަކުޑިން ނުވަތަ މައުދަނަކުން ނުވަތަ އެނޫންވެސް އެއްޗަކުން ހަދައިފައިވާ ހަނިދިގު ފަތި (2) މުންޑު ނުވަތަ ފޭލި އަނުމުގައި ކުރިމައްޗަށް ފަށްފަށް ޖަހައިފައި ހުންނަބައި (3) ތެޔޮރުމާ އޮޅާއިރު ފަށްފަށް ޖަހައިފައި ހުންނަބައި
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ފަތިސް ނަމާދު
ނ ފަތިހު ކުރަންޖެހޭ ނަމާދު
ފަތިސްހަނދުވަރު
ނ ފަތިހުގައިދީފައި އޮންނަ ހަނދުވަރު
ފަތިސްހަނދުވަރުމަތި
ނ ފަތިސް ހަނދުވަރުގެ ތެރޭގައި
ފަތިސްކަން
ނ ފަތިހުގެ އަސަރު
ފަތިސްކޮޅު
ނ ފަތިސްވުމާ ކައިރި ވަގުތެއް
ފަތިސްވަގުތު
ނ (1) ފަތިހުގެ ވަގުތު (2) ފަތިސް ނަމާދު ވަގުތު