radheef.info
ރަދީފު


މުއި
ނ )ޏ ސ ( (1) މާވާދަފަ ތަކެތީގެ އެތެރޭގައި ހުންނަފުށް (2) ހިއްތަލަ ފުށް ފަދަ ތަކެތީގެ އެންމެ އޮލަފުށް (3) އިސް ބަގުލު ބޭދަނާ ފަދަތަކެތި ފޯވުމުން ބޭރުގައިލާ މަސް
މިނާބޭސް
ނ. ދިވެހިބޭހުގެ ބާވަތްތަކެއް. (ހިތިދަމުއި، ފަރިހިދަމުއި، އަސަޅިޔާ، އޯބަތް، ކަޅުދިރި، މިފަސްބާވަތް)
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިދަމުއި
ނ ދަމުއިގެ ބާވަތެއް މިދަމުއި ހުންނާނީ ދިރިއާ ވައްތަރުކޮށް ދިރިފުކެއްގެ ދެބައިކުޅަ އެއްބައިވަރަށެވެ މިއަށް ހިތިދަމުޔޭކިޔަނީ ހިތި ކައްކާއިރު އެއަށް އަޅަން ބޭނުންކުރާ އެއްޗަކަށްވާތީއެވެ
ނީރި
ނ )ޏ.( (1) ފަންވަތުގެ ކައިރިންނެގޭ މުއިރު. (2) ނިރު. (3) ވަތް އެނގޭ ވަރުތަންތާގައި ފެތުރިފައި ހުންނަ ހަތާގަނޑު. (4) ނީރުން މިބަހުގެ ނިމިނިމުނުކަން
ބީމަހީމަ
ނ "ބީވަރ" ކިޔާ ޖަނަވާރެއްގެ އުރަވަޅިން ނެގޭ އެއްޗެއް. މިއީ ބޭހަށް ބޭނުންކުރާ މަޑު މީރުވަހެއް ދުވާ އެއްޗެކެވެ މިޖަނަވާރު ދިރިއުޅެނީ ފެނުގައެވެ މީގެ އުރަވަޅީގައި މާމުއި ކަހަލަ ތެތްކަމެއް ހުރެއެވެ އުރަވަޅި ދުލިގަނޑާއެކު ނަގައިގެން ހިއްކައިގެން ބޭހަށް ބޭނުން ކުރެއެވެ
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސްދަމުއި
ނ ހިތިދަމުއި
ބޯށިގަނޑު
ނ ވިހައިގެންއުޅޭ މީހުންނަށްދޭ ދިވެހި ބޭހެއް. މިއީ ބޯށިގަހުގެ ޅަމާގަނޑުގެ އޮށާ ކުއްޅަފިލާ ލުނބޯ ނިޔަނދުރު ފަޅޯ މިގަސްގަހުގެ ޅަމުލާ ކުދިކުދިކޮށްކޮށައި މަތިކަރާ ބޭހާ ކަނަހަނދުނާ ފޮނިތޮށި ކާފޫރުތޮޅިޔާ އެއްކޮށްމޮޑެ ފުޑައި ހިމުންކޮށް ޅަރުކުގެ ކުރުއްޕަތަކަށް އަޅައި ބަނދެ އުނދުނުގެއަޅި ގަނޑުތެރޭގައި ވަޅުލައިގެން ފޮޅިކޮށް އަވީލައި ހިއްކައިގެން ހަދާ ބޭހެކެވެ ދުވާލު ދެއިރު މީގެ އެތިކޮޅެއް މާމުއިގާ ވިރުވައިގެން ބޮއެވެ
ކަނިވުން
މ (1) ބައްތިފަދަ ތަކެތީގެ ހުޅުގަނޑު ކުޑަވުން (2) ހަކުރާއި މާމުއިފަދަ ތަކެތި ހިސާބަކަށް ނުބައިވުން
ކީރު
ނ (1) ހިމަރޮނގު (2) ލޭކީރު (3) މުއިރު
ކުންނަ
ނ )ބދ ( (1) މުއިނަރު (2) މުއިރު
ކުޅަނދުރު
ނ އުދުހިއުޅޭ ކަށިޖަހާސޫތްޕެއް. މިހުންނަނީ ރީނދޫ ކުލައިގައެވެ. މިއުޅެނީ އަމިއްލައަށް ހަތާހަދައިގެންނެވެ. މީގެތެރެއިން މާމުއިކުޅަނދުރަކީ މާމަލުންފޮނި ބޮއިގެން މާމުއި އުފައްދާ ސޫތްޕެކެވެ
ކެއުރިޔާން
ނ ކެޔޮގަހުގެ މުއިރު
ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ވާޔާ
ނ )ގ ( ކެޔޮގަހުގެ މުއިރު
ވޭމުލެ
ނ )ގ ( ވޭމުއި
ވޭމުލެއް
ނ )ގ ( ވޭމުއި
ވޭމުލް
ނ )ޏ ( ވޭމުއި
ވޭމޫ
ނ )ގ ( ވޭމުއި
މަސްލުން
މ (1) މުއިލުން (2) ވަޅުފަދަ ތަންތަނަށް ދިރޭމަސް އެޅުން