radheef.info
ރަދީފު


މުންނާރު
ނ ބަންގީގެ އަޑު ދުރަށް އިއްވުމަށްޓަކައި މިސްކިތާ ގުޅިގެން ނުވަތަ ކައިރީގައި އުސްކޮށް ހަދައިފައި ހުންނަ ތަންތަން
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
މުނާޖާ
ނ (1) ހެއު ދަރުމައާއި ބަރަކާތް އެދި ކުރާ ދުޢާ (2) މެންދަމުން ފެށިގެން ފަޖުރުގެ ކުރީގެ ވަގުތެއްގައި މުންނާރުން ގޮވާ ދުޢާއެއް
މުންނާރުންގޮވުން
މ މުންނާރުގެ މައްޗަށް އަރާހުރެ ބަންގިއާއި ޞަލަވާތާއި މުނާޖާ ގޮވާގޮވުން. މިސްކިތުގައި ހުރެ މުންނާރުގައި ހުންނަ އަޑު ގަދަކުރާގެ ޒަރީޢާއިން ގޮވާ ގޮވުމަށްވެސް މުންނާރުން ގޮވުމޭ ކިޔައެވެ
މުންނާރުކަލޭގެ
ނ މުންނާރުން ގޮވަންޖެހޭ ގޮވުންތަކަށް ޚާއްޞަ ކުރެވިފައިވާމީހާ
މުދިންބޭކަލުން
ނ ހުކުރު ދުވަހު މުންނާރުން ބަންގިގޮވުމާއި ހުކުރު ހަދީސް ކިއުމާއި ރަދުންގެ ސުއްޖާދުކޮޅު ހުކުރު މިސްކިތަށް ގެންދިއުމާއި ފޮތް ހިފައިގެން މިސްކިތަށް ދިއުމާއި މިފަދަ ކަންތައްތައް ކުރުމަށް އިހުގައި ސަރުކާރުން ލައްވާފައިތިބޭ ބައެއް މީގެ ފަސްބޭކަލުން ތިއްބަވައެވެ
ފަސްމުދިންބޭކަލުން
ނ (1) މިޙްރާބުގޭ މުދިން ބޭކަލުން. (2) ބޮޑު ކިއެވެނިން. )އިހުގައި ހުކުރުދުވަހު ހުކުރު މިސްކިތުންނާއި މުންނާރުން ބަންގިގޮވައި ގަނޑުވަރުތެރެއިން ރަދުންގެ ސުއްޖާދުކޮޅު ހުކުރުމިސްކިތުގެ ކޮޓަރިކޮޅަށް ގެންގޮސް ކަތީބު ބޭކަލަކު ބަލާގޮސްހަދަނީވެސް އެމީހުންނެވެ