radheef.info
ރަދީފު


ވަޑައިގަތުން
މ އައުން ދިއުން މިބަހުގެ އެންމެ މާތްގޮތް
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްކޮޅުނެގުން
މ ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުންގެ އިސްތަށިފުޅަށް ފުރަތަމަ ހަތްކޮޅު ފޮޅުވައިލުމާއި އެކަމާއި އެކުލެވިގެން ކުރާ ރަސްމީ ކަންތައްތައް ކުރުން
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިޖުރަ
ނ (1) ސަލާމާއި ޞަލަވާތްލެއްވި ރަސޫލު ﷲ ގެފާނު މައްކާ ދޫކުރައްވައިފައި މަދީނާގައި ހުންނަވާން ވަޑައިގަތް ވަޑައިގަތުން. (2) ތިމާގެ އަމިއްލަ ރަށް ދޫކޮށްފައި އެހެން ރަށަކަށް ވަޒަންވެރިވުމަށްދާ ދިއުން
ބޯފޮޅިޔަށް ވަޑައިގަތުން
މ ބޯފޮޅިދުވަސް ދުވަހުގެ ހަވީރު ނުވަތަ ރޭގަނޑު އެތެރެކޮއިލު މިސްކިތްތެރެޔަށާއި މެދު ޒިޔާރަތް ދޮށަށް ހުކުރުމިސްކިތްތެރެޔަށާއި ދަންނަ މުޙައްމަދު ރަސްގެފާނު މިސްކިތްތެރެޔަށް ފާތިޙާ ވިދާޅުވަން ރަދުން ނުވަތަ ރަދުންގެ ބަދަލުގައި ޢިއްޒަތަށް ވަޑައިގަންނަވާ ބޭފުޅަކު ރަސްމީ ޢިއްޒަތުގައި ވަޑައިގަތުން
އަރުމާޒުވަޑައިގަތުން
ނ އަރުމާދުގެ ދަތުރުގައި ރަދުން ވަޑައިގަތުން
އަލިވިލުން
މ (1) ފަތިސްވެ އަލިވިލުން މަޖާޒު: (2) ގަނޑުވަރުތެރޭ ބޭފުޅުން އަވަހާރަ ލައްޕަވާފައި ތެދުވެވަޑައިގަތުން (3) ނުފިލައިގެން އުޅޭކަމެއް އޮޅުންފިލުން
އިއްޒަތަށްވަޑައިގަތުން
މ (1) ރަދުން ނުވަތަ ހަތްކޮޅު ނަގާ ބޭފުޅަކު ހަތްކޮޅު ނެގުމާއެކު ބެރުދުންމާރި ތާޅަފިލީގައި ވަޑައިގަތުން މިގޮތުގައި ވަޑައިގަންނަވާއިރު ކުރީގައި އަމާން ދިދަ ހުންނާނެއެވެ (2) ރަދުން ނުވަތަ ހަތްކޮޅު ނަގާ ބޭފުޅަކު އެކިއެކި ކަންތަކަށް ރަސްމީގޮތުން ވަޑައިގަތުން
ފައިންޕުޅުބީއްސެވުން
މ ކީރިތި ރަސޫލާ ތަނަކަށް ވަޑައިގަތުން
ގެމަށްވޮޑިގަތުން
މ ހިޖުރައަށްވަޑައިގަތުން މިބަސްބޭނުންކުރަނީ ކީރިތި ރަސޫލާއަށް ނިސްބަތްކޮށެވެ
ޖަހާހަނގުބޭކަލުން
މ އިހުގައި ކިލެގެ ބޭކަލުންގެ ތެރެއިން ރަދުން ހޮއްވަވާ ޚާއްޞަ ބޭފުޅުން ކޮޅެއް މިބޭފުޅުންނަކީ ރަދުން މަޝްވަރާ ކުރެއްވުމަށާއި ރަސްމީ އިއްޒަތްތަކުގައި ބައިވެރިވެ ވަޑައިގަތުން ފަދަ ކަންތައްތަކަށް ޚާއްޞަކުރެވޭ ބައެކެވެ
ޝަފާޢަތް
ނ ޤިޔާމަތް ދުވަހު މީސްތަކުންގެ ހިސާބު ބެއްލެވުން އަވަސްކޮށް ދެއްވުމަށް ކީރިތި ރަސޫލާ ﷲ ގެ ޙަޟްރަތުން އެދިވަޑައިގަންނަވާ އެދިވަޑައިގަތުން
ޝަފާޢަތްތެރިވެވަޑައިގަތުން
މ ޤިޔާމަތްދުވަހު މީސްތަކުންގެ ހިސާބު ބެއްލެވުން އަވަސް ކޮށްދެއްވުމަށް ކީރިތި ރަސޫލާ ﷲ ގެ ޙަޟްރަތުން އެދި ވަޑައިގަތުން