radheef.info
ރަދީފު


ވަލީ
ނ (1) ޤާނޫނީގޮތުން ލިބިދޭ އެންމެ މަތީ ބާރު (2) އަންހެނަކު މީހަކާ އިންނަން ހުއްދަދިނުމުގެ ބާރު (3) ނއ ކަލާނގެ ހަޟްރަތާކުއްތަން
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ކަރާމަތް
ނ (1) ވަލީ ވެރިންފަދަ ބޭބޭކަލުންގެ ކިބައިން ފެންނަ އާދަޔާ ޚިލާފު ކަންތައް (2) ޙުރުމަތް
ކަރާމަތްތެރި
ނއ (1) ވަލީވެރި ބޭކަލުންގެ ކިބައިން ފެންނަ ޒާތުގެ އާދަޔާ ޚިލާފު ކަންތައްތައް ލިބިފައިވާ (2) ޙުރުމަތްތެރި
ކަރާމާތްތެރިކަން
ނއނ (1) ވަލީވެރި ބޭކަލުންގެ ކިބައިން ފެންނަ ޒާތުގެ އާދަޔާ ޚިލާފު ކަންތައް (2) ޙުރުމަތްތެރިކަން
އަވަލިގަނޑު
ނ (1) މޮޑެފައިވާ އަވަލި އެއްޗެއް (2) އަވަލީގެ ކެއުމެއް
ރުޖޫކުރުން
މ (1) ކާވަނި ހެދުން (2) ވަރިކުރުމަށްފަހު އިއްދަ ހަމަނުވަނީސް އިހުއޮތް ރަނާއި ވަލީގެ މައްޗަށް ކައިވެނި ހަމަޖެއްސުން
ބަރުވަލިފޫޅު
ނ ބަރުވަލީގެ ތޮށިގަނޑުން ނިވާވެފައިވާތަން
ބުންބާއަވަލި
ނ އަވަލީގެ ބާވަތެއް. މިއީ ބަންގާޅު އަވެއްޔަށްވުރެ ތުނިކޮށް ފަތިކޮށް ހުދުކޮށް ހުންނަ އަވެއްޔެކެވެ
ބޯފޮޅިފާތިހާ
ނ ބޯފޮޅިދުވަހު ވަލީވެރިންނާއި އެދުރު ބޭކަލުންނަށް ކިޔަވާ ފާތިޙާ
ކަންޒޫރި
ނ (1) ކަނޑުމައްޗާބެހޭ އެކިއެކި ކަންކަމުގައި ވަލީވެރިންގެ ޒިޔާރަތާއި މަޤާމަށް ފާތިޙާ ފަރިއްކޮޅުގެ ނަމުގައި ދީއުލުނު ތަކެތި (2) ކަންޒޫރީގެ ނަމުގައި ކިޔަވައި އުޅުނު ފާތިޙާ
އަމީރު ރަސްކަން
ނ (1) ވަލީޢަޙުދުކަން (2) ރަސްގެފާނުގެ ޤާއިމްމަޤާމްކަން (3) ރަސްކަމުގައި ހުންނެވި ބޭފުޅަކު އެރަސްކަން އެހެން ބޭފުޅަކާ ޙަވާލު ކުރައްވައިފައި ހުންނަވާ ދަރަޖަ
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
ވަލީނެތްކާވެނި
ނ (1) ނަސަބުގެ ގޮތުން އަންހެނެއްގެވަލީ އަރާމީހަކުނެތް ކާވެނި (2) ޙާކިމާ ވަލީދީގެން ކުރާ ކާވެނި
ވަލީދިނުން
މ ޝަރުޢީގޮތުން ވަލީވެރިޔާއަށް ލިބިފައިވާ ބާރުގެ މަތީން އަންހެނެއްގެ ކާވެނިކޮށް ދިނުން ކާވެނިކޮށް ދިނުމުގެ ހުއްދަ ލިބިފައިވާ މީހަކާ ހަވާލު ކުރުން
މަޤާމް
ނ (1) ތަން (2) ދަރަޖަ (3) ވަޒީފާ (4) ވަލީވެރިންނަށް ނިސްބަތްކޮށް ހެދިފައިހުންނަ ޒިޔާރަތްފަދަތަންތަން
މަޤާމްފުޅު
ނ ރަސޫލު ބޭކަލުންނާ ނަބީބޭކަލުންނާ ވަލީވެރި ބޭކަލުންގެ އަސަރުފެނިގެން ނުވަތަ އެބޭކަލުންގެ ހަނދާނުގައި ހަދައިފައިވާ ތަންތަނަށް މަތިވެރި ކުރުމުގެ ގޮތުން ކިޔާއުޅޭ ނަމެއް މިސާލު: އިބްރާހީމުގެފާނުގެ މަޤާމުފުޅު ތަބުރޭޒުގެ ފާނުގެމަގާމުފުޅު
ފާތިޙާފަރީއްކޮޅު
ނ ވަލީވެރިންނަށް ފާތިޙާ ކިޔެވުމަށްޓަކައި ތައްޔާރުކޮށްފައި ހުންނަ ފަރީއްކޮޅު
ޒިޔާރަތް
ނ (1) ނަބީ ރަސޫލު ބޭކަލުންނާއި ވަލީވެރިންނާއި ރަސްރަސް ކަލުންގެ ބިސްތާނު (2) މީހަކާ ބައްދަލުކުރާ ބައްދަލު ކުރުން (3) ތަނަކަށްދާ ދިއުން
ޝަފާޢަތްފުޅަށްޖެހުން
މ އިހުގައި ޞަލަވާތްފުޅަށް ވަތްކޮށްފައި ވަލީވެރީންގެ ފާތިޙާފުޅަށް ވަކިން ބަތްކޮޅެއް ވަތްކުރުން. މިކަން ކުރާގޮތަކީ ލާހި ބޯތައްޓަކަށް ބަތްއަޅައި ބާރުކޮށްފައި ޞަލަވާތްފުޅުތަށީގެ އެއްއަރިމައްޗަށް ބޯތަށި ބަންޑުން ޖަހަނީއެވެ ދެން ބޯތަށި ނަގާއިރު ހުންނާނީ ބޮނޑިބަތެއް ހެންނެވެ