radheef.info
ރަދީފު


އޭރު
ނ (1) އެއިރު (2) އެވަގުތު (3) އެހާރު (4) އެތަންވަޅު
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ބަންގާޅުފޮށި
ނ ބަންގާޅުން ގެނެސް އުޅުނު ރަންގޫނުފޮށި މީގައި އޭރުގެ އެހެން ފޮށިތަކުގައި ހުންނަ ފަދަ ފައެއް ނުހުންނާނެއެވެ އޭގެ ބަދަލުގައި ހުންނަނީ ފޮށި ވަށައިގެން ފަތި އަޅާފައެވެ މިފަތިކޮޅު ހުންނަނީ މަތީކައިރީ ފަރާތުގައި ދާރަ ޖަހައިފައި ތިރީކައިރި ވަކި ކުރެހުމެއްހެން ތަންތަންކޮޅުން ކަނޑައިފައެވެ
ބޮޑުޒާތުކުޅިގަނޑު
ނ އޮށްވަޅު ގޮނޑީގައި ކުޅޭ ކުޅިގަނޑެއް މިކުޅިގަނޑު ކުޅުމަށްގޮސް ހިނދޭނީ ކުޅޭ ފަރާތުގެ 6 ވަނަ ވަޅަށެވެ ހިނދުމުން އެވަޅާ ދިމާވަޅު ބޮވުނީއެވެ އެވަޅާ ދިމާވަނީ އަނެއް ފަރާތުގެ ތިންވަނަ ވަޅާއެވެ އޭރު އެންމެ ބޮލި ގިނަވާނީ އެވަޅުގައެވެ މިކުޅިގަނޑުގައި ހިލަންޖެހޭނީ ފަންސަވީސް ވަޅެވެ
ވަކަރުގެ
ނ އިހަށް ކުޑަލާމިގަސްދޮށު އަތިރިމަތީގައި ފަހުން މާރުކޭޓާ ދިމާއިން ދެކުނުގައި ކުރީގެ އަތިރިމަތީގައި ސަރުކާރުގެ ވަކަރު ރައްކާ ކުރާން އަޅައިފައި ހުރި ގެއެއް މިގޭގައި ސަލާންޖަހާ ކުދީން ނިދާއުޅުނެވެ އޭގެފަހުން ބަނޑޭރިގެއާ ދިމާއިން އަތިރިމަތީ ފާރު ކައިރީގައި އޭރު އެތާހުރި ހެލެބެނލިގަސްދޮށު ދޮރޯށީގެ ހުޅަނގުން ސަލާންދޭ ކުދީން ނިދާ އުޅޭން ދައުލަތުން އަޅުއްވައިފައިހުރި ގެއަކަށްވެސް ކިޔައިއުޅުނީ ވަކަރުގެއެވެ
ފަޗިސްއެޅުން
މ ފަޗިސް ކުޅޭއިރު ބޮލިތައް ތަޅުވާފައި އޮއްސައިލާއިރު އެއް ބޮލި ބަނޑުން އަނެއް ފަސްބޮލި އުއްޑުން އޮތުން އޭރުން އެ އެޅުނީ ފައްސިއްސެކެވެ ނުވަތަ ފަޗިހެކެވެ
ފުށްދީފައިދިއުން
މ (1) ކޮކާ އަތުގައި ޖެހުމާއިއެކު ނުހިފިދިއުން އޭރުހުންނާނީ ކޮކާލުގެ ފުށް އަތުގައި ހޭކިފައެވެ (2) މަޖާޒު: ޝަހްވާނީ އެދުމުގައި އަންހެނަކާ ބައްދަލުވާ އިރަށް ފިރިހެން މީހާގެ އެދުން ފުދުމުން ފިރިހެން މީހާ ދާދިއުމަށް ބުނެއުޅޭ ބަހެއް