radheef.info
ރަދީފު


ކެތް
ނ (1) ލިބޭވޭންތަކަށް ޝަކުވާ ނުކޮށް ހުންނަ ހުރުން (2) ހިތުގައި އުފެދޭ އަސަރުތައް މަތަކޮށްގެން ހުންނަ ހުރުން
މިންނަތް
ނ (1) ސާބިތުކަމާއެކީ ކުރާ ހިތްވަރު (2) ގަދަހިތްވަރު (3) ގަސްދުކުޅަ ކަމެއް ކުރުމަށް ދައްކާ ކެތްތެރިކަން
ހިންމަންތެރި
ނއ (1) ސާބިތުވެހުރުމާއެކު ހިތްވަރުކުރާ (2) ގަސްތުކުޅަ ކަމެއްގައި ކެތްތެރިކަމާއެކު މަސައްކަތްކުރާ (3) ގަދައަށް ހިތްވަރުކުރާ
ހިންމަތްތެރިކަން
ނއނ (1) ސާބިތުވެހުރުމާއެކު ހިތްވަރު ކުރާކަން (2) ގަސްތުކުޅަކަމެއްގައި ކެތްތެރިކަމާއެކު މަސައްކަތް ކުރާކަން (3) ގަދަޔަށް ހިތްވަރު ކުރާކަން
ހިތްއަވަސްވުން
މ (1) ކަމެއްވާލެއް ލަސްވެގެން އެކަމާ ކަންބޮޑުވެގެން އުޅުން (2) ލައިނުގަނެގެން އުޅުން (3) ކެތްތެރިކަން ކުޑަވުން
ހިތްވަރުކުރުން
މ (1) ކުރާކަމެއްގައި ކެތްތެރިކަމާއެކު ދެމިހުރުން (2) ކުރާކަމެއްގައި ދޫނުކޮށް ހިފެހެއްޓުން
ނުކުޅަދާނަ
ނއ (1) ކުޅަދާނައިގެ އިދިކޮޅު (2) ނުފޮރުއްޕާން (3) މީހެއްގެ ނުވަތަ އެއްޗެއްގެ ނުވަތަ ކަމެއްގެ ސަބަބުން ކެތްކުރަން ދަތިވާވަރަށް ލިބޭ އުނދަގޫ
ނުކުޅަދާނަވުން
މ (1) ލާހިކުވާވަރުނުވުން (2) ކޮންމެވެސް ފަރާތަކުން ލިބޭ އުނދަގުލަކަށް ކެތްވާވަރުނުވުން (3) ނުހޮރުއްޕާންވުން
ބަރުދާސް
ނ ކެތް
ބަރުދާސްކުރުން
މ ކެތްކުރުން
ބަރުދާސްތު
ނ (1) ވޭނާ ކެކުޅުން އުފުލުމުގައި ކުރާކެތް (2) ބަރުދާސް
ކެއްކުރިމީހާއޭ ފުޅަށްބުޑުގައިއޮވެ މަރުވީވެސް )މުސްކުޅިބަހެއް( ކެތްކުރާ މީހުންނަށް ބައެއްފަހަރު ދެރަ ގޮތްގޮތްވެސް މެދުވެރިވާކަން އެންގުމުގެ ގޮތުން ބުނެއުޅޭބަހެއް ކެއްކުރިމީހާއޭ
ކެތްކުރިމީހާއަށް ހޫނުބޮނޑިބަތް
)މިސާލުބަހެއް( ކެތްކުރާ މީހާޔަށް ފަހުން މާ ރަނގަޅު ގޮތްގޮތް ވާނެކަން އަންގައި ދިނުމުގެގޮތުން ބުނެއުޅޭބަހެއް
އުނދަގޫއުފުލުން
މ ދަތިގޮތްތަކަށް ކެތްކުރުން
މަރަށްތެޅުން
މ (1) މީހެއް ނުވަތަ އެއްޗެއް ފުރާނަދާވަގުތު ލިބޭ ވޭނެއްގެ ސަބަބުން ތެޅޭ ތެޅުން. (2) ލިބޭ ހާނީއްކައެއްގެ ސަބަބުން ފުރާނަދާއިރު ތެޅޭ ތެޅުން. (3) މަޖާޒު: ކަމަކަށް އަވަސް އަރައިގަނެގެން އުޅޭ އުޅުން. )މިހެން ބުނެ އުޅެނީ ކަމެއް ބޭނުންވެގެން އުޅުމުގައި މާބޮޑަށް ކެތްތެރިކަން ކުޑަވެގެން އުޅުމަށެވެ
މަޑުމައިތިރި
ނއ (1) ނިޔަނެތި (2) ބޮޑާކަންނެތް (3) ޚުލްޤުރީތި (4) ކެތްތެރިކަންހުރި
ފުރާނަދާވަރުވުން
މ މަޖާޒު: (1) ހަށިގަނޑަށް ކެތްނުކުރެވޭވަރަށް އުނދަގޫވުން (2) ކަމަކާހުރެ ކެތްނުކުރެވޭވަރަށް އަސަރުކުރުން
ތައުރު
ނ )ބދ ( ކުރާކެތް
ތެރޭކަން
ނއނ )ބދ ( ކެތްތެރިކަން
ތެޅިފޮޅިގަތުން
މ (1) ކަމަކާ ދޭތެރޭ މާބޮޑަށް ހާސްވެގެން ނުވަތަ މާބޮޑަށް އުފާވެގެން ޙަރަކާތް އަވަސްވެގެން އުޅެގަތުން (2) ވޭނެއްގެ ސަބަބުން ކެތްނުކުރެވިގެން އެގޮތް މިގޮތަށް އުޅެގަތުން
ތެޅިފޮޅުން
މ (1) ކަމަކާ ދޭތެރޭ މާބޮޑަށް ހާސްވެގެން ނުވަތަ މާބޮޑަށް އުފާވެގެން ޙަރަކާތް އަވަސްވެގެން އުޅުން (2) ވޭނެއްގެ ސަބަބުން ކެތްނުކުރެވިގެން އެގޮތް މިގޮތަށް އުޅެވުން