radheef.info
ރަދީފު


ބޭރުތޮށި
ނ ރަށެއްގެ އުރަފަށުގައި އޮންނަ މައިތޮށި
ހިލަތޮށި
ނ (1) ގަސްގަހާގެހީގެ ތޮށީގެ އެންމެމަތީފަށް (2) އޮށީގެ އެންމެ ބޭރުތޮށި )ފަށް( (3) ބޮނބީގެ މަތީފަށް
ވޮނިގަނޑު
ނ (1) އޮނިގަނޑު (2) އެއްޗެއްގެ ބޭރުތޮށިގަނޑު (3) މައިގަނޑު
ނ ޅަކޮށް ހުންނައިރު ވެސް ބޭރުތޮށިގަނޑު ރީނދޫ ކުލައިގައި ހުންނަ ފަޅ
ކަނޑުކަކުނި
ނ ކަކުނީގެބާވަތެއް މިއީ ދިވެހި ކަނޑުފަޅުން ފެންނަ އެންމެބޮޑެތި ކަކުންޏެވެ ކަކުނީގެ ބޭރުތޮށިގަނޑު ހުންނަނީ ގަދަމުށިކުލައިގައެވެ ފައިތަކުގައި ހުންނަނީ މަޑުމުށިކުލައެވެ
ކުދިލުނބޯ
ނ ކަށިގިނަގަހެއްގައި އަޅާވަކެއް މިއީ ގަހުގެ ފަތްވަޅުން ނުކުންނަ ވަށްކޮށް ހުންނަ ކުޑަކުޑަ ވަކެކެވެ. ދޮންނުވާއިރު ބޭރުތޮށިގަނޑު ހުންނަނީ ގަދަ ފެހިކުލައިގައެވެ. މިކަހަލަ ގިތި ކުދިލުނބޯ ގެ ދިޔަ ތެރަހަށް ބޭނުންކުރެއެވެ. ކުދިލުނބޯ ދޮންވުމުން ހުންނަނީ ގަދަ ރަތްކުލައިގައެވެ. މީގެ ދިޔަފޮނިވާނެއެވެ. ދޮން ކުދިލުނބޯ ކައިވެސް އުޅެއެވެ. މިގަހުގެ ލަކުޑިޔަކީ ކީލި ހިމުން އާރުލާ ރީތި އޮފެއް ހުންނަ ލަކުޑިއެކެވެ
އަލަނާސިބޮލި
ނ ބޮލީގެ ބާވަތެއް: މިއީ ދޮން އަލަނާސިއާއި ދާދި އެއްކުލައެއްގައި ހުންނަ ބޮއްޔެކެވެ މިބޮލީގެ ބޭރުތޮށިގަނޑު ހުންނަނީ އަލަނާސިއާ ވައްތަރު ގޮތަކަށެވެ
މެށުން
މ (1) ލަކުޑިފަދަ އެއްޗެއްގެ ބޭރު ތޫނު އެއްޗަކުން ތުނިކޮށް ކޮށުން (2) މޭވާފަދަ ތަކެތީގެ ބޭރުތޮށި ތޫނު އެއްޗަކުން އެއާ ވަކިކުރުން (3) ވެއްޓިގެން ނުވަތަ ތަނެއްގައި ޖެހިގެން ހަށިގަނޑުގެ ތަނަކުން ލޭގެ އަސަރު ފެންނަވަރަށް ހަންދިއުން (4) )ބދ ( އޮޑައު
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފޮއްގަސް
ނ ހުތްފޮނި ރަހަލާ މޭވާއެއް އަޅާގަހެއް މި މޭވާގެ ބޭރުތޮށިގަނޑުގައި މަޚްމާ ކަހަލަ ގޮތަކަށް ފުށް ހުރެއެވެ
ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ސަބުދެލި
ނ ގަހެއްގައި އަޅާ ފޮނިމޭވާއެއް މި ދޮންވީމާ ފުށްގޮތެއް ހުރެއެވެ މީގެ ބޭރުތޮށި ހުންނަނީ ވިލާތު އަލުވީގެ ތޮށީގައި ހުންނަ ކުލަޔާ ގާތް ކުލައެއްގައެވެ