radheef.info
ރަދީފު


ބީ
ނ (1) ގެއްލޭ ގެއްލުން. (2) ވަކިވަކިވުން. މިސާލު: އޭނާރަށުން ބީވެއްޖެއޭ އެގުރާ އަހަރެން އަތުން ބީވެހިނގައްޖެއޭ މިބަސް ބުނެއުޅެނީ އަނބުރާ ނުލިބޭ ފަދަ ގޮތެއްގައި ގެއްލުމަށެވެ (3) ކިރު ހިއްޕި (4) )ސ ( ބޮއިފި
ހަށަންބަންތަކުބީރު
ނ (1) ނަމާދަށް ހަށަންބަންނަމުން ކިޔާ ﷲ އަކްބަރު (2) ނަމާދުގެ ދެވަނަ ރުކުން
ހަނދުފަޅިބިބީ
ނ ރާއްޖޭގެ ފަރުފަރުގެ ބޭރުގައި އުޅޭ ރީނދޫ ކުލައިގެ މަހެއް މިމަހުގެ ލޮލުގެ ހުރަހަށް ވަރަށް ފަލަ ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުގައި ހަނދުފަޅިބުރަށް ހުންނަފުޅާ ހުދުކުލައިގެ ރޮނގެއް ހުރެއެވެ އަދި މިހަނދުފަޅީގެ ފަހަތުން މަހުގެ މައްޗަށް ވާގޮތަށް ކަޅުކުލައިގެ ފުޅާރޮނގެއް ހުރެއެވެ މަހުގެ ނިގޫފަތުގެ ބުޑުދޮށް ހުންނަނީ ކަޅުކުލައިގައެވެ
ހަރުބީ
ނ (1) ރަދުން ނުވަތަ ރަދުންގެ މަޤާމުގައި ވަޑައިގަންނަވާ ބޭފުޅަކު ޢިއްޒަތުގައި ވަޑައިގަންނަވާއިރު ބެރުގައި ޖަހާ ލަވައާއި ފުމޭ ލަވަ ނއ (2) މުސްލިމުންނާ ދެކޮޅަށް ހަނގުރާމަކުރާ (3) މުސްލިމުންނާ ޢަދާވާތްތެރި
ހަރުބީކާފަރުން
ނ (1) މުސްލިމުންނާއި ޢަދާވަތްތެރި ކާފަރުން މިސާލު: އަބޫޖަހުލަކީ ފައްކާ ހަރުބީ ކާފަރެކެވެ (2) މުސްލިމުންނާ ހަނގުރާމަކުރާ ކާފަރުން
ހަރުބީއަށް ހިނގުން
މ ހަރުބީއަށް ހަމަވާގޮތަށް ފިޔަވަޅު އަޅަމުން ހިނގުން މިއީ އިހުގައި ގަނޑުވަރުތެރޭ ފިރިހެން ބޭފުޅުން ދަސްފުޅު ކުރައްވާ ކަމެކެވެ
ހަރުބީމަތީލަވަ
ނ ހުކުރުދުވަހާއި ޢީދުދުވަހު ބަންގި ބެރުގެ ލަވަމައްޗަށް ޖަހާ ލަވަ
ހަތަރު ބީރުންގެ ވާހަކަ
(މިސާލުބަހެއް) ހަތަރުބީރުން ދެއްކިކަމުގައި ބުނެވޭ ވާހަކައެއް. މީގައި އެކަކު ކިޔާ އެއްޗެއް އަނެކަކަށް އޮޅުން ނުފިލައިގެން އެކި މީހުން ދެއްކީ އެކި ވާހަކައެވެ. ބައަކު މިބާވަތަށް ވާހަކަ ދައްކަންޏާ މިސާލަކަށް ބުނެއުޅެނީ "އެ ދައްކަނީ ހަތަރު ބީރުންގެ ވާހަކަ" އެވެ.
ހިންދުކޮކާބިބީ
ނ ކޮކާބިބީގެ ބާވަތެއް މިއީ ދެއަރިމަތީގައި ހުދުކުލަ ހުންނަ މަހެކެވެ މިމަހުގެ ބޮލުގައި ލޯހުރަސްކޮށް ކަޅުކުލައިގެ ވަރަށް ފުޅާ ރޮނގެއް ދެމިފައި ހުރެއެވެ މަހުގެ ކޮތަރިބައިގައި ހުންނަނީ ރީނދޫ ކުލައެވެ މަހުގެ ދެއަރިމަތީގައި ދެކަތްޕަށް ހުންނަ އަޅިކުލައިގެ ފަނޑު ރޮނގެއް ހުރެއެވެ
ހިމޭންރަނގަބީލު
ނ ސްކޫލްތަކުގައި ވަކި ވަގުތު ކޮޅަކަށް ކުދީން ހިމޭންކުރުވުމަށް ޖަހާ ރަނގަބީލު
ހުވަފެންތަޢުބީރު
ނ (1) ހުވަފެނުގެ މާނަ (2) ހުވަފެނުގައި ފެނުނު އެއްޗެއްގެ މާނަ
ރަނގަބީ
ނ ރަނގަބީ ފުޓްބޯޅަ މިއީ ދެޓީމުގެ ދެމެދުގައި ދަނޑުގައި ކުޅޭ ކުޅިވަރެކެވެ ގެންގުޅޭ ބޯޅައަކީ ކުކުޅުބިސްބުރަށް އޮންނަ ބޯޅައެކެވެ މިބޯޅައިގައި ފައިންވެސް ޖެހެއެވެ އަތުން ހިފައިގެންވެސް ގެންދެވިދާނެއެވެ އަދި އެކަކު އަނެކަކުގެ އަތަށް ދެމުން ގެންދެވެއެވެ
ރަނގަބީލު
ނ (1) އެތެރެއަށް ގޮނިކޮށް ހަދައިފައި އޮންނަ މަޢުދަނީ އެއްޗެއް މިއީ އެތެރެއިން ނުވަތަ ބޭރުން އޭގައި އެއްޗަކުން ޖެހުމުން ރީތި އަޑެއް ކިޔާގޮތަށް ހަދައިފައި ހުންނަ އެއްޗެކެވެ (2) ރަނގަބީލު ބޭނުންކުރާގޮތަށް ބޭނުން ކުރުމަށް ތަފާތު ގޮތްގޮތަށް ހަދައިފައި ހުންނަ އެއްޗެހި
ރަނގަބީލުކުރުން
މ ރަނގަބީލު ޖެހުން
ރަނގަބީލުޖެހުން
މ ރަނގަބީލުން އަޑުއިއްވުން
ހޮބީ
ނ އަދާކުރަން ޖެހިފައިވާ ވަޒީފާ ނުވަތަ ވާޖިބުގެ އިތުރުން ކުރާހިތުން ޝައުޤުވެރިކަމާއެކު ކުރާކަންތައް މިސާލު: މުޙައްމަދުގެ ހޮބީއަކީ އިސްޓޭމްޕު އެއްކުރުމެވެ
ނަބީ
ނ މީސްތަކުންނަށް ތެދުމަގު ދެއްކެވުމަށް މާތްﷲ އިންސާނުންގެ ތެރެއިން ފޮނުއްވާ ޚާއްސަ ބޭކަލެއް
ނަބީބޭކަލުން
ނ ނަބީކަން ދެއްވައިފައިވާ ބޭކަލުން
ނަބީކަން
ނ ނަބީކަމުގެ ޚާއްސަ ދަރަޖަ
ނަބީކަލޭގެފާނު
ނ އިސްލާމްދީނުގެ ނަބިއްޔާ މުޙައްމަދު ސައްލަﷲ އަލައިހި ވަސައްލަމް
ނަބީކަލޯގެ
ނ )ބދ ( ނަބީކަލޭފާނު