radheef.info
ރަދީފު


ބަތާ
ނ (1) ކާނާ (2) މުސާރަ
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހުއިވަކި
ނ (1) މޫދުގެ ހުއިގަހުގައި އަޅާއޮށް (2) )ހ ( ބަތާވިގާ
ހޮނދި
ނ ބަތާލައިގެން ކާން ހަވާދުނުލައި ކައްކާ ދިޔައެއް
ނިހާލި
ނ ރާއްޖޭގެ ރަސްމީ ބައެއް ހެދުމުގައި އުނަގަނޑުގައި ބަންނަން ގެންގުޅުނު ހަތަރުމުށް ނުވަތަ ފަސްމުށުގެ ދިގުމިން ހުންނަ ފަށާވީސް އެޅި ދިގުރޮނގުދެމި ފޮތިގަނޑެއް މީގެ ދެދަރަޖަ ހުރެއެވެ އެއްވަނަ ދަރަޖައަކީ އެއްފަށް ނިހާއްޔެވެ ދެވަނަ ދަރަޖައަކީ ދެފަށް ނިހާއްޔެވެ އެއްފަށް ނިހާލި ހަދަނީ ދެފުށް އެއްކަހަލަ ފަށުވި ފޮއްޗަކުންނެވެ ދެފަށް ނިހާލި ހުންނަނީ އެހެން ކުލައެއްގެ ފޮއްޗަކުން ބަތާނަލާފައެވެ
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ރިހަބަތް
ނ ރިހަޔާއި ފެންބަތާއި ސަޓަނީގެ މައްޗަށް އެކުލެވިފައިވާ ކާނާ
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ބަތާނަލުން
ނ (1) ބަތާނަލައިގެން ފެހުން (2) ބަތާނަ ހަރުކުރުން (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަލާފަށް ލުން
ބަތާވިހިލަ
ނ )ހ ( ބަތާވިގައު
ބަތާވިކަރަ
ނ އިންޑޮނޭޝިޔާގެ ބަތާވިއާ ހިސާބަށް އިހުގައި ކިޔައި އުޅުނުނަށް
ބިންވަޅު
ނ (1) ފުއްޕުންލައި ކަނޑައިފައި ހުންނަ ލިޔުންގަނޑުގަނޑާއި ކުރެހުމުގައި އަޑިކޮށްފައި ހުންނަ ތަންތަން (2) ބައެއް ކުރެހުމުގެ ތެރޭން ކުރެހުމަށްވާގޮތުން ބަތާނަފެންނަތަން (3) މަޖާޒު: ނުފިލާގޮތަށް ހިތުގައިހަރުލާ ހަރުލުން
ބޮނޑިފޮރުވުން
މ ގަނޑު ފިއްލާ ކުޅޭއިރު މޮޅުވާބައިގެ މީހުން ކުރާ ކަމެއް. މިކަންކުރާގޮތަކީ 21 ލަނޑު ހަމަވީމާ ބޮނޑި ފޮރުވަނީއެވެ. ދެރަވިމީހުން ބޮނޑި ހޯދަމުންގޮސް ފެނިއްޖެނަމަ މޮޅުވިބައިގެ މީހުން ރިހަޔާބަތާ ކައްކައިފައި އަނެއްބަޔަށް ކާންދޭން ޖެހުނީއެވެ. ބޮނޑިނު ފެނިއްޖެނަމަ އެމީހުން ބޮނޑިފޮރުވި މީހުން ރިހަޔާބަތާ ކައްކައިފައި ކާންދޭން ޖެހޭނެއެވެ
ބޮލާކީން
ނ ތެތްފިނިކަމުން ސަލާމަތްކުރުމަށް ބަތާނެއްގެ ގޮތުގައި ލާން ގެންގުޅޭ ކަލުކުލައިގައި ހުންނަ ދަވާދުފާޑު ގެ ތަތް އެއްޗެއް
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަންބަޅިޖެހުން
މ ފުރާދުއްވާ އެއްޗެހީގައި ލޮއިޖަހާން ބަތާނަ ހަރުކުރުން
ކަރުލުން
މ (1) ސަރުބަތާއި ދިވެހި ހަކުރުފަދަ ތަކެތީގައި ގަނޑުގަނޑަށާއި ފުއްފުކަށް ހަކުރު އުފެދުން (2) ބޮނޑިއާއި މެޓާ ފަދަ ތަކެތި ހިލައި ވަރުވެގެން ބާލަން ވީމާ ދޯބުރާލިހަކުރު ނުވަތަ ނަބާޒު ހަކުރު މުގުރައިފައި އެޅުން (3) ދިވެހި ހަކުރު ކަރުލާގޮތް ހެދުން
ކައްޗާ
ނއ (1) ދެރަ. (2) ފައްކާނޫން. (3) ނ. ބަތާނަޔަށްލާ ދަވާދު. (4) އަޅިކުލައިގެ ދަވާދު. (5) ގުޑިއާއި މަޑިފަދަ ތަކެތި ދެފަރާތު އަރިމައްޗަށްދާ ދިއުން
ކައްޗާދަވާދު
ނ ދަވާދުލާ ތަންތާނގައި ފުރަތަމަ ބަތާނަޔަށްލާ ދަވާދު
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ