radheef.info
ރަދީފު


ބަދަން
ނ (1) ބޭހަށާ ކެއުމަށް ގެންގުޅޭ ބޭރުގައި ތޮށިގަނޑެއް އޮންނަ މަދެއް މީގެ ކިތައްމެ ބާވަތެއްހުރެއެވެ (2) ލިބާހުގެ އަތާއި އަރިޔާ ގުޅަން އޮންނަ ފޮތިގަނޑު
ހިކިމޭވާ
ނ ހިއްކައިފައި ހުންނަ މޭވާއާއި ބާވަތްބާވަތުގެ ބަދަން
ނާށިގަނޑުބަދަން
ނ ތޮށިބޯބަދަން
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކޮނޑުފަތި
ނ (1) ލިބާހުގެ ދެބަދަން ގުޅުވާފަތި (2) އަތާއި ބަދަނާއި ގުޅުވާފަތި
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
ފަޅިބަދަން
ނ (1) ރާއްޖޭގެ އަންހެނުންލާ ދިވެހި ލިބާސް ކަނޑާ އިރު ދެފަޅިޔަށް ނަގާ ބަދަން (2) ފަޅިކޮށް ހުންނަ ބަދަން
ތޮށިބޯބަދަން
ނ ނާށިގަނޑު ބަދަން
ތޮށިފިލުން
މ ގޮދަނާއި ހަނޑުލާއި ބަދަންފަދަ އެއްޗެހިން ތޮށިގޮސް ސާފުވުން
ތޮށިފިލުވުން
މ (1) ގޮވާމާއި ބަދަންފަދަ ތަކެތީގައި ހުންނަތޮށި އެތަކެއްޗާވަކިކުރުން ނުވަތަ ތޮށި ނެއްޓުން (2) ލޮނުމެދާއި ފިޔާފަދަ ތަކެތީގެ ބޭރުގައި ހުންނަ ހިކިތޮށި ނެއްޓުން
ސިކުނޑިބަދަން
ނ ވަތްވަތަށް ހުންނަ ބަދަނެއް މިބަދަން ހުންނަނީ ސިކުނޑިއަކާ ވައްތަރު ގޮތަކަށެވެ