radheef.info
ރަދީފު


ބަމަ
ނ (1) މިންއަޅާންގެންގުޅޭ މިނެއް މީގެ ދިގުމިނަކީ ތިންރިޔަނާ އަށް އަނގުލެވެ މިމިންބޭނުންކުރަނީ ފެނުގެ ފުންމިން ބެލުމަށާއި ބިމުގެ ބޮޑުމިން ބެލުމަށެވެ (2) ދެއަތް ދެފަރާތަށް ދަމާލީމާ އެއްއަތުކޮޅުން އަނެއްއަތުކޮޅާ ދެމެދު
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ބޮމަ
ނ ބަމަ
ސުވާ
ނ (1) ކުޅޭ ކުޅިވަރެއްގައި ބޭނުން ކުރާ ބޯޅައެއް ކަހަލަ އެއްޗެއް މިއީ ފޮތިން ހަދައިފައި ކައިވަތެއް ހުންނަވަރުގެ ފަށެއް ލައިފައި އޮންނަ ބޯޅައެކެވެ (2) ސުވާ ބޭނުން ކޮށްގެން ކުޅޭ ކުޅިވަރެއް (3) ކާ އެއްޗަކުން އެއްފަހަރާ އަނގަޔަށްލާން އަތުން ނަގާ މިންވަރު (4) )ޏ ( ޓެނިސްބޯޅަވަރުގެ ވައްބޯޅައަކާއި ބަމައެއް ހުންނަ ވަރުގެ އޮނުބުރިއެއް ބޭނުންކޮށްގެން ކުޅޭ ކުޅިވަރެއް މި ކުޅިވަރު ކުޅެނީ ކުޅޭމީހުން ދެބަޔަކަށް ބަހައިލައިގެންނެވެ (5) )ސ ( ފަންވަތުން ވިޔެގެން ކުޅެން ގެންގުޅޭ ބަށި