radheef.info
ރަދީފު


ބަންގި
ނ ފަރުޟު ފަސް ނަމާދުގެ ވަގުތު ވަދެއްޖެކަން އެންގުމަށްޓަކައި ބޭނުންކުރާ ކަލިމަތައް
ހަރުބީމަތީލަވަ
ނ ހުކުރުދުވަހާއި ޢީދުދުވަހު ބަންގި ބެރުގެ ލަވަމައްޗަށް ޖަހާ ލަވަ
ހުކުރުޙަދީޘް
ނ ހުކުރުނަމާދަށް ބަންގިދީފައި މީސްތަކުންނާ ދިމާޔަށް އެނބުރިހުރެ މާމުދިންމީހާ ކިޔައިއުޅުނު މަޝްހޫރު ހަދީޘް
ކޯމާޅިމަތީބޮޑުލަވަ
ނ ދަނޑިބެރުގެ ލަވައެއް މިއީ ބަންގިބެރުގައި ކޯމާޅި މައްޗަށް ޖަހާލަވައެކެވެ
ނަމާދަށްގޮވުން
މ ބަންގިގޮވުން
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ބަންގިދިނުން
މ ބަންގިގޮވުން
ބަންގިދުވާ
ނ ބަންގިއަށްފަހު ކިޔާ ދުއާ
ކިފާޔަތުގެ ސުންނަތް
ނ ޖަމާޢަތެއްގެ ފަރާތުން އެކަކު ކުރީމާ ސުންނަތް ޙާޞިލުވާ ނުކޮށްފިނަމަ އެންމެން ސަވާބުން މަޙުރޫމުވާ ސުންނަތް މިސާލު: ފަރުޟު ނަމާދަށް ވަގުތުގައި ބަންގިދިނުމަކީ ކިފާޔަތުގެ ސުންނަތެކެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަސުރަށްގޮވުން
މ އަސުރު ނަމާދު ބަންގިގޮވުން
މުންނާރުންގޮވުން
މ މުންނާރުގެ މައްޗަށް އަރާހުރެ ބަންގިއާއި ޞަލަވާތާއި މުނާޖާ ގޮވާގޮވުން. މިސްކިތުގައި ހުރެ މުންނާރުގައި ހުންނަ އަޑު ގަދަކުރާގެ ޒަރީޢާއިން ގޮވާ ގޮވުމަށްވެސް މުންނާރުން ގޮވުމޭ ކިޔައެވެ
މުދިންބޭކަލުން
ނ ހުކުރު ދުވަހު މުންނާރުން ބަންގިގޮވުމާއި ހުކުރު ހަދީސް ކިއުމާއި ރަދުންގެ ސުއްޖާދުކޮޅު ހުކުރު މިސްކިތަށް ގެންދިއުމާއި ފޮތް ހިފައިގެން މިސްކިތަށް ދިއުމާއި މިފަދަ ކަންތައްތައް ކުރުމަށް އިހުގައި ސަރުކާރުން ލައްވާފައިތިބޭ ބައެއް މީގެ ފަސްބޭކަލުން ތިއްބަވައެވެ
މުދިމު
ނ (1) މިސްކިތް ބެލެހެއްޓުމާއި ފަސްވަގުތު ބަންގި ގޮވައި އިސްވެ ނަމާދުކޮށް އުޅުމަށް ދައުލަތުން ވަޒީފާ ދެއްވާފައިވާ މީހާ (2) އިހުގައި ބޭރު ދަތުރުކުރާ ސަރުކާރުގެ އުޅަނދުތަކުގައި ބަންގިގޮވައި އިސްވެ ނަމާދުކޮށް އަދި ކަށުކަމާކެމީގެ ކަންތައް ކުރުމަށް ދައުލަތުން ވަޒީފާ ދެއްވާފައިވާ މީހާ (3) އިހުގައި އަވަށް އަވަށުގެ ސަރުދާރުންގެ ދަށުން ކަންތައްތައް ކުރުވަން ސަރުކާރުން ލައްވައިފައިވާ މީހާ
މެންދުރަށްގޮވުން
މ މެންދުރު ނަމާދުގެ ބަންގި ގޮވުން
ފަސްކޯމާޅި
ނ ބަންގިބެރު ނިންމާލަވަ
ފަސްމުދިންބޭކަލުން
ނ (1) މިޙްރާބުގޭ މުދިން ބޭކަލުން. (2) ބޮޑު ކިއެވެނިން. )އިހުގައި ހުކުރުދުވަހު ހުކުރު މިސްކިތުންނާއި މުންނާރުން ބަންގިގޮވައި ގަނޑުވަރުތެރެއިން ރަދުންގެ ސުއްޖާދުކޮޅު ހުކުރުމިސްކިތުގެ ކޮޓަރިކޮޅަށް ގެންގޮސް ކަތީބު ބޭކަލަކު ބަލާގޮސްހަދަނީވެސް އެމީހުންނެވެ
ދެބަންގިދޭތެރެ
ނ ހުކުރު ދުވަހުގެ މެންދުރު ވަގުތުގެ ބަންގިއާއި ހުކުރު ނަމާދުގެ ބަންގިއާ ދޭތެރެ
ދޮރުމޮހި
ނ އިހުގައި ޖަހައިއުޅުނު ބެރެއް މިއީ ހުކުރުވިލޭރޭ ފަތިސް ނަމާދުގެ ބަންގިޔަށްފަހު ތާޅަފިއްޔާ ގޮސްފައި އައިސް ގަނޑުވަރު ތެރެއަށް ވަނީމާ ނާބުސްޚާނުން ޖަހާބެރެކެވެ