radheef.info
ރަދީފު


ރޮނގު
ނ (1) ކޫރު (2) ފޮތެއްގައި ނުވަތަ އެއްޗެއްގައި ދަމާ ފަށް (3) ސީދަލަށް ނުވަތަ ބައްޓަމަކަށް ހިމަދިގުކޮށް ދަމާފަށް (4) ފަންނު (5) މަގު
ހަރޮނގުހިކާ
ނ ހިކާގެބާވަތެއް މަހުގެ ކުލައަކީ ދަނބުކުލައެވެ މަހުގެ މަތީކައިރިން ފެށިގެން ތިރިއަށް މަހުގެ ދިގަށް އޮރެންޖްކުލައިގެ ފުޅާ ހަނރޮގު ފާޅުކޮށް ފެންނަން ހުރެއެވެ ނިގޫފަތް ހުންނަނީ ފެހިކުލައިގައެވެ ކަޅުކުލައިގެ ލަފެއްނިގޫފަތުގެ ބަނޑުދަށުގެ މަތީބައިގައި ހުރެއެވެ
ނޫރޮނގުކަނޑުކުލަ
ނ ބޯވަޅުއެޅި ލިބާސް ކަނޑާ ފޭރާމެއްގެ ނަން
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ބުރަކަށިމަތީގެ ކޮތަރިބައިގެ ހަރު ކަށިތައް ހުންނާނީ ގަދަމުށި ކުލައިގައެވެ ރަންރޮނގުލޮނދިމަސް
ނ ފާނައާ ވަރަށް އެއްގޮތް ސިފައެއްގައި ހުންނަ މަހެއް މިމަހުގެ ބޭރު ހަންގަނޑުގައި ވިހަ ލޮންޖެއް ހުރެއެވެ މަހުގެ ދެއަރިމަތީގައި މަހުގެ ދިގަށް ރަތްކުލައިގެ ފަސް ރޮނގު ނުވަތަ ހަ ރޮނގު ހުރެއެވެ
ރޮނގުބޮލި
ނ )މ ( ކަފިހި ބޮލި
ރޮނގުދަމާ ކަށިގަނޑު
ނ ތުނޑު ދެފަޅިޔަށް ހުރެފައި އެދެފަޅި ދޭތެރެޔަށް ދެލިއަޅައިގެން ރޮނގު ދަމާން ބޭނުންކުރާ އާލަތް
ރޮނގުދަމާފަތިގަނޑު
ނ ތެދަށް ރޮނގު ދެމުމަށްޓަކައި ކައިރިތެދުކޮށް ހަދައިފައި އޮންނަ އާލަތެއް
ރޮނގުދެމިކާޅު
ނ ކަނޑުކާޅުގެ ބާވަތެއް މިއީ ފުޅާ އަދި ފަތިހަށިގަނޑެއް ލިބިފައިވާ އަނގަ ކުޑަ މަހެކެވެ މަހުގެ ނިގޫ ފަތުގެ ކޮޅު ހުންނާނީ ހަނދުފަޅި ބުރަށް ކަފިކޮންނެވެ މަހުގެ ދިގަށްވާގޮތަށް ދެއަރިމަތީގައި އަޅިނޫކުލައިގެ ހިމަ ރޮނގުތަކެއް ހުރެއެވެ މަހުގެ ކުލައަކީ މުށިކުލައެވެ
ރޮނގުދެމިމަސް
ނ ކަޅުބިލަމަސް
ރޮނގުދެމުން
މ (1) ފޮތެއްގައި ނުވަތަ އެއްޗެއްގައި ފަށްދެމުން (2) ސީދަލަށް ނުވަތަ ބައްޓަމަކަށް ހިމަދިގުކޮށް ފަށްދެމުން
ރޮނގުތެޔޮމަސް
ނ ފަރުމަހުގެ ބާވަތެއް މިއީ މަސްގަނޑުގެ ތެޔޮކަންގަދަ ފަރުމަހުގެ ބާވަތެކެވެ އުމުރުން ގިނަ ދުވަސްވީވަރަކަށް ކުލަގަދަވަމުންގޮސް ކަޅުކުލައަށް ބަދަލުވާ ގަދަމުށި ކުލައިގެ މަހެކެވެ މިމަހުގެ ނިގޫފަތް ކުޑަވާނެއެވެ ނިގޫކޮޅުގެ ދެފަރާތުގައި ކުޑަދެކުރަގަނޑާއި ބޮޑު ކުރަގަނޑެއް ހުރެއެވެ
ރޮނގުޖެހުން
މ ފަސް ރޮނގުބުރިން ކުރާ ހިސާބުކުރުން
ބަންގާޅު ދެރޮނގު
ނ އިހުގައި އަންހެނުން ދިވެހިލިބާސް ކަނޑައި އުޅުނު ފޮއްޗެއް
ކަނޑުކުލާ ދެރޮނގު
ނ އިހުގައި ބޯވަޅުއެޅި ލިބާސް ކަނޑާ އުޅުނު ފޭރާމުގެ ބާވަތެއް
ކާވެނީގެރޮނގު
ނ ކާވެނީގެ ގޮތުން މިހާރުހުރިގޮތް
އަތްފަސޭހަރޮނގު
ނ ދެފަރާތަށް ދެބޮޅުވާނޭހެން މަތިންތިރިޔަށް އަޅާރޮނގު
ވަށްރޮނގު
ނ (1) ވަށްކޮށް އަޅައިފައި އޮންނަ ރޮނގު (2) ދެބަޔަކަށް ބެހިގެން އެއްބަޔަކު ވަށްރޮނގެއްގެ ތެރޭގައި އަނެއްބަޔަކު ބޭރުގައި ތިބެގެން ކުޅޭ ކުޅިވަރެއް މިއީ ދިވެހި ފިރިހެނުންގެ ކުޅިވަރެކެވެ
ފަނިދުވާރޮނގު
ނ ފަސްގަނޑުގެތެރޭގައި ފަނިދަތުރުކޮށްފައި ހުންނަ ރޮނގު
ފަސްރޮނގުމަސް
ނ ކަޅުބިލަމަސް
ދަށުރޮނގު
ނ ލިޔުންތަކުގެ ވަކިބަސްބަހަށް ނުވަތަ ވަކި އިބާރާތްތަކަށް ބާރުލުމުގެ ގޮތުން ފާހަގަކުރަން ތިރީގައި ދަމައިލާ ރޮނގުބުރި ނުވަތަ ރޮނގު