radheef.info
ރަދީފު


ރަސްމީ
ނއ ސަރުކާރުގެ
ހަނދުބަޑި
ނ (1) އީދުރޯދައަށް ހަނދު ފެނުނީމާ ޖަހާ ބަޑި. (2) އިހުގައި ރަޖަބު ރަމަޟާން ޝައްވާލު މިތިންމަހުގެ ފުރަތަމަރޭ ޖަހައި އުޅުނު ރަސްމީބަޑި (3) މެދުވަރުގެ ހަރުމަތީބަޑި
ހަނގުކަން
ނ (1) ރަސްމީ ދަރަޖައެއް (2) އޮޅިމެދުކަމެއް
ހަވަރުހުއްޓިލެއްވުން
މ ހަވަރުގެ ފަރާތުން ރަދުންގެ އަރިހުގައި ރަސްމީގޮތުން ކޮންމެވެސް ބޮޑުކަމަކާމެދު އެއްޗެއް ދެންނެވުމަށްޓަކައި ގުޅަކުޅޭ ފަސްގަނޑަށް ހަވަރު އެއްވުން މި އެއްވުން ގިނަ ފަހަރަށް އެއްވަނީ ހުކުރުދުވަހު ހުކުރުން ފޭބުމަށް ފަހުގައެވެ
ހަތަރު ހިތި
ނ އިހުގައި ރަމަޟާންމަހު 22، 24، 26، 28 މިދުވަސްދުވަހާއި މިދުވަސްދުވަހާއި ވިދިގެން އަންނަ ރޭރޭ ކޮށް އުޅުނު ރަސްމީ ކަންތައްތައް (1) ހެންވޭރުބޮޑުހިތި (ރަމަޟާންމަހުގެ 22 ވަނަދުވަހާއި އެދުވަހުގެ ރޭ) (2) މާފަންނުބޮޑުހިތި (ރަމަޟާންމަހުގެ 24 ވަނަދުވަހާއި އެދުވަހުގެރޭ) (3) ހެންވޭރުކުޑަހިތި (ރަމަޟާންމަހުގެ 26 ވަނަދުވަހާއި އެދުވަހުގެރޭ) (4) މާފަންނު ކުޑަހިތި (ރަމަޟާންމަހުގެ 28 ވަނަދުވަހާއި އެ ދުވަހުގެ ރޭ)
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްކޮޅުނެގުން
މ ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުންގެ އިސްތަށިފުޅަށް ފުރަތަމަ ހަތްކޮޅު ފޮޅުވައިލުމާއި އެކަމާއި އެކުލެވިގެން ކުރާ ރަސްމީ ކަންތައްތައް ކުރުން
ހާސްގަނޑުފޮތީތާކިހާ
ނ ކުލަކުލައިގެ ފޮތިކޮޅުތަކެއް އެއްކޮށްގެން ހަދައިފައި ހުންނަތާކިހަލެއް. މީގެ ދެބާވަތެއް ހުރެއެވެ. އެއްވައްތަރަކީ ރަތާ ހުދާ ކަޅާ ރީނދުލާ މިހަތަރުކުލައިގެ ފޮތިފޮތިކޮޅުން ގޮޅިހަމަކޮށް ހަދައިފައި ހުންނަވައްތަރެކެވެ ބޭރުގެ ތަންތާނގެ ބޮޑުން ފަގުޑިއޮޅައިފައި ހުންނަނީ މިބާވަތުގެ ތާކިހަލުގައެވެ ރާއްޖޭގެ ރަސްމީ ބަޔެއްހެދުމުގައި މިކަހަލަތާކިހާ ބޭނުންކޮށް އުޅުނެވެ އަނެއް ވައްތަރަކީ ކުލަކުލައިގެ ފަށުއިން ތަންކޮޅެއް ދިގުކޮށް ވިޔެފައި ހުންނަވައްތަރެކެވެ އިހުގެ ސޯޅިޔާއިން އަޅާއުޅުނީ މިކަހަލަތާކިހަލެވެ
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ނިހާލި
ނ ރާއްޖޭގެ ރަސްމީ ބައެއް ހެދުމުގައި އުނަގަނޑުގައި ބަންނަން ގެންގުޅުނު ހަތަރުމުށް ނުވަތަ ފަސްމުށުގެ ދިގުމިން ހުންނަ ފަށާވީސް އެޅި ދިގުރޮނގުދެމި ފޮތިގަނޑެއް މީގެ ދެދަރަޖަ ހުރެއެވެ އެއްވަނަ ދަރަޖައަކީ އެއްފަށް ނިހާއްޔެވެ ދެވަނަ ދަރަޖައަކީ ދެފަށް ނިހާއްޔެވެ އެއްފަށް ނިހާލި ހަދަނީ ދެފުށް އެއްކަހަލަ ފަށުވި ފޮއްޗަކުންނެވެ ދެފަށް ނިހާލި ހުންނަނީ އެހެން ކުލައެއްގެ ފޮއްޗަކުން ބަތާނަލާފައެވެ
ނައިބުކަމާ ހިނގުން
މ ރަޖަބުމަހު ހަވަނަދުވަހު ދައުލަތުން ބޮޑު ރަސްމީ ޖަމާއަތެއް ފޮނުވައިގެން ހަތަރުއަވަށު މައިޒާންގޭދޮށުގައި ދީނުގެ އަމުރު މަޢުރޫފު ކުރުން. މި ޖަމާއަތް އެކުލެވިގެންވަނީ ބޮޑުބޭކަލުން ޚަތީބު ބޭކަލުން ފަނޑިޔާރުގޭ ނާއިބު ބޭކަލުން މަލިން ބޭކަލުން އަސްކަރު މުސްކުޅިން މަޖިލީހަށް އަރާބޭކަލުން މުދިން ބޭކަލުން ދޭވާނީން މިބޭބޭކަލުންގެ މައްޗަށެވެ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ރަށްމާލޫދު
ނ ރަޖަބުމަހު 72 ވިލޭރޭގައި މާލޭގައި ކިޔާ އުޅުނު ރަސްމީ މައުލޫދު
ރަންފުޅު
ނ (1) ބޮޑުމުސްކުޅި ބޭކަލުންނަށް ލިބޭ ދަރިންނަށް ކިޔާ ރަސްމީ ނަމެއް (2) މައިންބަފައިން ދަރިންދެކެ ލޯބިން ކިޔާނަމެއް
ރަންދި
ނ (1) ރަސްކަލަކަށް ކޮލިލާފަހުން ފުރަތަމަ ލިބިވަޑައި ގަންނަވާ އަންހެން ބޭފުޅަކަށް ކިޔާ ރަސްމީ ނަމެއް (2) ކަޅުބިލަމަހަށް ކިޔާ ވަނަމެއް
ރަސްމިއްޔާތު
ނ ކަމަކަށްޓަކައި ރަސްމީގޮތުން ބާއްވާ ޖަލްސާ
ރިޔާސީގަނޑުވަރު
ނ ރައީސުލްޖުމްހޫރިއްޔާގެ ރަސްމީގެކޮޅު