radheef.info
ރަދީފު


ރައްކަ
ނ )ބދ ( ރައްކައު
ހަންނެގުން
ނ (1) ދިރޭ އެއްޗެތީގެ ހަން މަހުން ވަކިކުރުން (2) ދަތުރުކުރާއިރު ކަނޑުމަތިން ނުރައްކަލެއް ދިމާވެގެން އެކަން އެންގުމަށް ނިޝާނެއް އުފުލުން
ހީލި
ނ (1) ގިލިގިލި ކޮއްޓީމާ ހަށިގަނޑަށް އެވާގޮތް (2) އުޅަނބޮށީގެ ހީލިކަށިގަނޑުތަނަކު ޖެހުނީމާވާގޮތް (3) ނުރައްކައު އުސްތަންތާގައި މީހުން ހިނގާތަން ފެނުނީމާ ބައެއް މީހުންގެ ދަށްފަޔަށް އެވާގޮތް (4) ހަރުދެއެތިގަނޑު ކޭރުވީމާ އިވޭ ބާވަތެއްގެ އަޑަކުން ބައެއް މީހުންގެ ދަތަށް އެވާގޮތް (5) ޖިންސީ އެދުންވެރިކަން އައުމުން އަންހެނުންގެ ކުރިމަތި ފަރާތަށް އެވާ އިޙްސާސް
ހޭބެލުން
މ (1) ކަނޑު ދަތުރުކުރުމުގައި ފަރަކާ ކައިރިވެގެން އަންނައިރު ވަތްހޭލާތޯ ބެލުން (2) މަޖާޒު: ނުރައްކައުތެރިކަމެއް ލިބިދާނޭ ފަރާތް ފަރާތަށް ވިސްނުން
ހޭއެރުވުން
މ (1) ނިދާފައިވާ މިހާ ހޭލެއްވުން (2) ހޭނެތިފައިވާ މީހާ ހޭޖެއްސުން (3) ނަސޭހަތަކުން ނުވަތަ އަދަބަކުން ކަމެއްވިސްނައިދިނުން (4) ވާންއުޅޭ ގެއްލުމެއް ނުވަތަ އަންނާން އުޅޭ ނުރައްކަލެއް ކޮންމެވެސް ގޮތަކުން އަންގައިދިނުން (5) ވަތް ހޭލާ ހިސާބަށް ގެންދިއުން
ނާމާންކަން
ނއނ (1) އަމާންކަން ނެތްކަން (2) ބިރުވެރިކަން (3) ނުރައްކައުތެރިކަން
ނާމާންވުން
މ (1) ބިރުވެރިކަމެއް ކުރިމަތިވެފައިވުން (2) ނުރައްކައުތެރިވުން (3) ނާމާން ބޭފުޅަކު އިންނެވުމުން ނުވަތަ އެބޭފުޅެއްގެ ސަބަބުން އެތާކަށް ވަނުން މަނާވުން
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނިވައި
ނ (1) ތަނެއްގެ ނުވަތަ އެއްޗެއްގެ ވައިދަށް (2) މަޖާޒު: މީހެއްގެ ފަރާތުން ލިބޭ ރައްކައުތެރިކަން
ރައްކައުތެރި
ނއ (1) ސަލާމަތް (2) ޙިމާޔަތްތެރި (3) ނުރައްކަލެއްނެތް
ރައްކައުތެރިކަން
ނއނ (1) ސަލާމަތްކަން (2) ޙިމާޔަތްތެރިކަން (3) ނުރައްކަލެއްނެތްކަން
ރައްކައުތެރިވުން
މ (1) ސަލާމަތްވުން (2) ޙިމާޔަތްތެރިވުން (3) ނުރައްކަލެއްނެތުން
ރައްކަލަށްވަނުން
މ ރައްކައުތެރިކަމުގެ ދަށަށްވަނުން
ރައްކަލް
ނ )ޏ ( ރައްކައު
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރައްކެ
ނއ )ބދ ( ރައްކައުތެރި
ރެފިއުޖީން
ނ ބިރުވެރިކަމަކުން ނުވަތަ ނުރައްކަލަކުން ސަލާމަތްވުމަށް އަމިއްލަ ގެދޮރާއި ވަޒަން ދޫކޮށް ބޭރުހިސާބަކަށް ނުވަތަ ބޭރުޤައުމަކަށް ގޮސްއުޅޭ މީހުން
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބިރު
ނ ގެއްލުމަކާމެދު ނުވަތަ ނުރައްކަލަކާމެދު ހިތުގައި އުފެދޭ ސިހުން
ބިރުބޮޑުވުން
މ ގެއްލުމަކާމެދު ނުވަތަ ނުރައްކަލަކާމެދު ހިތުގައި އުފެދޭ ބިރުވެރިކަން އިތުރުވުން
ބިރުވެރިވުން
މ ގެއްލުމަކާމެދު ނުވަތަ ނުރައްކަލަކާމެދު ހިތުގައި ސިހުން އުފެދުން