radheef.info
ރަދީފު


ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ހުކުރުބެރު
ނ އިހުގައި ހުކުރުދުވަހު ނުވައެއްޖަހާއިރު ނާބުސްޚާނުގައި ޖަހާބެރު މިއީ މީސްތަކުން ހުކުރަށް ދާން ތައްޔާރުވުމަށް ޖަހާއުޅުނު ބެރެކެވެ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ބަންގިސަރު
ނ ހުކުރު ދުވަހަށް އިރުއަރައިފިކަން ޔަގީންވުމުން ނާބުސްޚާނުގައި ޖަހާ އުޅުނު ބެރެއް
އަލިފާންބެރު
ނ އިހުގައި ތަންތާ އަލިފާން ރޯވީމާ އެކަން މީސްތަކުންނަށް އަންގާން ނާބުސްޚާނުން ޖަހާބެރު
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަންބެރުޖެހުން
މ އިހުގައި ރޭގަނޑުގެ އެގާރަ ޖަހާއިރު ނާބުސްޚާނުންޖަހާ ބެރެއް ޖެހުން
ދޮރުމޮހި
ނ އިހުގައި ޖަހައިއުޅުނު ބެރެއް މިއީ ހުކުރުވިލޭރޭ ފަތިސް ނަމާދުގެ ބަންގިޔަށްފަހު ތާޅަފިއްޔާ ގޮސްފައި އައިސް ގަނޑުވަރު ތެރެއަށް ވަނީމާ ނާބުސްޚާނުން ޖަހާބެރެކެވެ
ތިންބުރިކޯއްޓޭ
ނ އިހުގައި ތިންބުރި ގުޅައިގެން ކާލިގަނޑުލައިފައި ހަދައިފައި ހުންނަ ކޯއްޓޭއެއް )ދިދަ ދަނޑިއެއް( މިކޯއްޓޭގައި ހުންނާނީ ދަނޑިމަތި އަނބުރައިފައެވެ މިކޯއްޓޭ އެހެން ކޯއްޓޭއަށްވުރެ ކުޑަވާނެއެވެ މިކޯއްޓޭ ނަގައިފައި ހުންނަނީ ނާބުސްޚާނުގެ އިރުމަތީން ފާރުމަތީގައެވެ
ތިންފުޅީބެރު
ނ (1) އިހުގައި ހުކުރު ދުވަހު ނުވައެއްޖެހީމާ ނާބުސްޚާނުންޖަހާ ބެރެއް މިބެރުޖަހާނީ ދުންމާރިއާއި ތާޅަފިލި ފުމެމުންނެވެ (2) ހަތްފިޔަވަޅުބެރު