radheef.info
ރަދީފު


ނަންބަރު
ނ (1) އަދަދު (2) ހިސާބުއަކުރު (3) ވިޔައަކުރު (4) ލަންބަރު (5) ނަންބަރު (6) ވިޔަކުރުމަށްދޭ ހިސާބުގެ އަދަދު
އިންތިޒާރީ ކޮޓަރި
ނ (1) ކަންކަމު އަންނަ މީހުން މަޑުކޮށްގެން ތިބޭ ކޮޓަރި (2) ނަންބަރު ތަރުތީބުން ޚިދުމަތަށް ގޮވަންދެން މަޑުކޮށްގެން ތިބޭ ކޮޓަރި
ހާ
ނ (1) ކުކުޅުގެ ފިރިހެން އެތި. (2) އަތޮޅެއްގެ އެތެރެވަރީގައި ވަށައިގެން ތިލަ ކައިރިފަށެއް އޮތުމާއެކު އެތެރެ ފުންކޮށް ހުންނަ ތަންތަން. މިސާލު: އެދޯނި މިއަދު އެން އެޅީ ވަރަށް ދުރުގައި އޮތް ހަލަކުންނެވެ. (3) ބައެއް އެއްޗެހީގެ އެތިއެތިކޮޅު. މިސާލު: އުޑުމަތީގައި ހާވިލާ ވަރަށްގިނައެވެ. )ށ( ތިޔަ ހާމަސްކޮޅު ގެންނާށެވެ. )ނ( ހާރަން. (4) ލައްޕާފައި ހުންނަ ބައެއްތަކެތި ހުޅުވައިލުން. މިސާލު: ފޮށީގެ މަތި ހާކޮށްފި އެވެ. (5) ފޭ. މިސާލު: ދޮރުފަތުގެ ހިންމި މިހިރީ ހާވެފައެވެ. (6) އެއްޗެއްގެ ފޭރާން ދެރަކަމުން ނުވަތަ އެއްޗެއްގައި ހުންނަ ބާކޮޅަކުން ނުވަތަ އެއްޗެއްގެ ހިންމި ދުރުވެގެން އެއްފަރާތުން އަނެއްފަރާތް ފެންނަފެނުން މިސާލު: މިތަނުން އަދިވެސް އެބަ ހާއަޅައެވެ މިބަހުގެ 4 5 މިދެނަންބަރުގައިވާ ހާ އިން ކޮންމެވެސް އެއްޗަކާ ގުޅުވައިގެން މެނުވީ މާނައެއް ދޭހައެއް ނުވެއެވެ މިސާލު: ހާވުން ހާކުރުން
ނަންބަރަށްގޮވުން
މ ނަންބަރު ނަގައިގެން ވަދެވޭ ތަންތަނުގައި ބޭނުންވާ ނަންބަރުގެ މީހާ އަންނާން ގޮވުން
ނަންބަރުނެގުން
މ ނަންބަރުގެ ތަރުތީބުން ވެދެވޭ ތަންތަނަށް ވަނުމުގެ ނަންބަރު އަތުލުން
ނަންބަރުއައިނު
ނ ލޮލުގެ ފެނުމާ ގުޅޭގޮތަށް ނަންބަރު ނަގައިގެން ހަދާފައި ހުންނަ އައިނު
ނަންބަރުދިނުން
މ (1) މޮޅުދެރަ ބެލުމުގައި ދިހަޔަކުން ނުވަތަ ސަތޭކަޔަކުން އެމީހަކަށް ނުވަތަ އެބަޔަކަށް ލިބޭންވީ ޢަދަދު ބަޔާންކޮށް ދިނުން (2) ތަރުތީބަކުން ކަމެއް ހިންގުމަށްޓަކައި އެކިމީހުންނަށް ވަކިނަންބަރު ޚާއްޞަކޮށް ދިނުން
ނަރުކޮއްޓި
ނ ކޮއްޓާފޮށި. މިއީ ފުރައިފައި ހުންނަ ނަރުތަކެއްގައި ތުނިއެތިކޮޅަކުން ކޮއްޓަމުން ނަންބަރު ޖަހައިފައި ހުންނަ އަޑުތަކަކަށް އޮބަމުން ރާގުއަޅުވާ ހަނި ދިގު ފޮއްޓެކެވެ އަޑުތައް ހުންނާނީ ދެބަރިޔަށެވެ
ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ
މަރުކާވިނަ
ނ (1) ޖަރުމަނު ވިނަ. (2) ނަންބަރުވިނަ މީގެ ރަތްކުލައާއި ފެހިކުލަ ހުރެއެވެ. ރަތްވިނަ ފެހިވިނަ ކިޔަނީވެސް މިވިނައަށެވެ
މާކުސް
ނ ކިޔަވާކުއްޖެއްގެ މަސައްކަތުގެ ނުވަތަ އަޚްލާޤުގެ ފެންވަރު ލަފާކުރުމަށް މުދައްރިސަކު ދޭނަންބަރު
ފާސްކުރިހެދުން
ނ (1) ނަންބަރުހެދުން. (2) ދިގު ހެދުން. މިއީ ދެވަނަ ބޮޑު ހަނގުރާމައިގެ ދުވަސްވަރު ދިވެހި އަންހެނުން ލައި އުޅުނު ކަސަބު ބޯވަޅު ހެދުމުގެ ސާމާނު ނުލިބިގެން ސަރުކާރުން އުފެއްދެވި ޚަރަދު ކުޑަ ހެދުމެކެވެ މީގެ ތިން ނަންބަރެއްގެ ހެދުން އުފެއްދެވިއެވެ މިތަނުން މިހާރު ބޭނުންކުރަނީ އެކި ނަންބަރު އެއްކޮށްލައިގެން ހަދާފައިވާ ހެދުމެކެވެ
ފެހިވިނަ
ނ ނަންބަރު ވިނައިގެ ފެހިބާވަތް
ތަޅު
ނ (1) ނަންބަރު ދިމާކޮށްގެން ނުވަގަ ތަޅުދަނޑިފަދަ އެއްޗަކުން ހުޅުވޭގޮތަށް ދޮރާއި ފޮށިފަދަ އެއްޗެހީގައި ހަރުކޮށްފައި ނުވަތަ ލައިފައި ހުންނަ އެއްޗެއް (2) ލަކުޑިފަދަ އެއްޗެހީގައި މަކުޑިކަނޑައިގެން ތަޅުލެވޭގޮތަށް ތައްޔާރުކުރާ ތައްޔާރުކުރުން
ތަޅުލުން
މ (1) ތަޅުދަނޑިއަކުން ނުވަތަ އެފަދަ އެއްޗަކުން މެނުވީ ނުހުޅުވޭގޮތަށް ތަޅެއް ބަންދުކުރުން (2) ނަންބަރުތަޅުހުންނަ ފޮށިފޮށީގައި ނަންބަރުދިމާ ކުރުމުން މެނުވީތަޅު ނުހުޅުވޭގޮތް ހެދުން
ލަންބަރު
ނ ނަންބަރު
ލަންބަރޮ
ނ )ޏ ( ނަންބަރު
ސުމާރުނަންބަރު
ނ ޝުމާރު ނަންބަރު
ޑާޓު
ނ (1) ނަންބަރު ޖަހައިފައިވާ ވަށް ބޯޑަކަށް ފަތްލީ ކުދިކުދި ތީރުތަކެއް ޖަހައިގެން ކުޅޭ ކުޅިވަރެއް (2) މި ކުޅިވަރުގައި ގެންގުޅޭ ކުދިކުދި ތީރު
ޤިބުލަބެލި
ނ ޤިބުލަވީ މިސްރާބު ހޯދުމަށްޓަކައި ތައްޔާރުކޮށްފައި ހުންނަ އާލަތެއް. މިހުންނަނީ އެކި ގައުމުތަކަށާއި އެކި ހިސާބު ހިސާބަށް ނަންބަރުތަކެއް ދީފައި އެމީހަކު ބޭނުންވާ ނަންބަރަކާ ދިމާއަށް ކަށި ހުއްޓައިލުމުން ޤިބުލަވީ މިސްރާބު ތީރަކުން ދައްކާގޮތަށެވެ
ޝުމާރުނަންބަރު
ނ ތަރުތީބު ނަންބަރު