radheef.info
ރަދީފު


ހިކާ
ނ ފަޅުތެރޭގައި އުޅޭ ކުޑަވަރެއްގެ މަހެއް. މީގެ ކިތަންމެ ބާވަތެއް ހުރެއެވެ. މިއީ ބޮނޑިމަސް ކޮށްހުންނަ ފެހިކުލައިގެ މަހެކެވެ. ބޮޑުމިނަކީ ދެއިންޗިބައި ތިން އިންޗިއެވެ
ހަރޮނގުހިކާ
ނ ހިކާގެބާވަތެއް މަހުގެ ކުލައަކީ ދަނބުކުލައެވެ މަހުގެ މަތީކައިރިން ފެށިގެން ތިރިއަށް މަހުގެ ދިގަށް އޮރެންޖްކުލައިގެ ފުޅާ ހަނރޮގު ފާޅުކޮށް ފެންނަން ހުރެއެވެ ނިގޫފަތް ހުންނަނީ ފެހިކުލައިގައެވެ ކަޅުކުލައިގެ ލަފެއްނިގޫފަތުގެ ބަނޑުދަށުގެ މަތީބައިގައި ހުރެއެވެ
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
ހިބޮޅު
ނ ފަރުމަހުގެ ބާވަތެއް. މިއީ ހިކާ ފާޑުގެ ކުޑަމަހެކެވެ
ހިކާދުރުކުރި
ނ (1) އެންދަމާއިރު ހިކާތައް އައިސް އުނދަގޫ ކުރަން ފެށީމާ އެހިކާތައް ދުރުކުރަން ދުރަށްޖަހާ ފިލިގަނޑު މަޖާޒު: (2) ގޭގެއަށް ވަދެއުޅޭ ބޭނުމެއްނެތް މީހުން އަވަހަށް ފޮނުވައި ލުމަށްޓަކައި ދީއުޅޭ ކާބޯއެތިކޮޅު (3) ހިތުގައި އަގުނެތް މީހުންނަށް ދީއުޅޭ ކާބޯއެތިކޮޅު
ހުޅިހިކާ
ނ ހިކާގެބާވަތެއް މިބާވަތުގެ ހިކާގެބޮލުގައި ހުޅިއެއްހުންނާނެއެވެ ބޯބޮޑުކޮށް ފަތާކޮށް ހުރުމާއެކު ބޮލުގައި ރަތްކުލައިގެ ލައްގަނޑެއް ހުރެއެވެ
ހުއިފަތުހިކާ
ނ ހިކާގެ ބާވަތެއް މިއީ ހަލުވި ޙަރަކާތްތަކެއްކުރާ ރީތި ހިކައެކެވެ މަހުގެ ކުލައަކީ ހުއިފަތުފެހި ކުލައެވެ ބުރަކަށިމަތިހުންނަނީ ފެހި ކުލައިގައެވެ މިފެހި ކުލައިގެ ތެރެއިން ރަތްކުލައެއް ފާއްދާފައި ހުރެއެވެ އަނގައިގެމަތިން ފެށިގެން ކަރުތާފަތުގެ ކުރީކޮޅާހަމައަށް ރިހިކުލައެއްގެ ރޮނގެއް ހުރެއެވެ
ހެރެހިކަ
ނ )ސ ( (1) ބިމަށްވަޅުޖަހާ ބާވަތެއްގެ ހިކައެއް (2) ވަޅުހިކާ
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ނިގޫދިގުހިކާ
ނ ހިކާގެ ބާވަތެއް މިމަހަކީ ހިމަދިގު ފެހިކުލައިގެ މަހެކެވެ މިފެހިކުލައިގެ ތެރެއިން ނޫކުލައެއް ފާއްދައިފައި ހުރެއެވެ ހުޅުނބުތަކުގެ ހުރަހަށް ރަތްކުލައިގެ ރޮނގެއް ފާޅުކޮށް ހުރެއެވެ މިމަހުގެ ބޮލުގައި ރަތްދަނބުކުލައިގެ ކުރެހުންތަކެއް ހުރެއެވެ ނިގޫފަތުގެ ދެފަރާތުކައިރި ނަރުވައެއްގެ ސިފައިގައި ދިގުކޮށް ހުރެއެވެ
ނޫހިކާ
ނ ފެހި ނޫކުލައިގައި ހުންނަ ހިކާ
ރަތްބޯ
ނ )ސ ( ހިކާގެ ބާވަތެއް މިހިކައިގެ ބޮލުން ފެށިގެން ނަގުލާ ހަމައަށް މަހުގެ ދެފަރާތުގައި ކަޅުރަތް ކުލައިގެ ދެރޮނގު ހުރެއެވެ މަހުގެ ކުލައަކީ މަޑުފިޔާތޮށި ކުލައެވެ ލޮލުގެ ކައިރި ހުންނަނީ ރީނދޫ ކުލައިގައެވެ ވަދުމަސްވެރިކަން ކުރާއިރު މިހިކާ އެމަށްވެސް ބޭނުންކޮށް އުޅެއެވެ
ބަފޯހިކާ
ނ ހިކާގެ ބާވަތެއް މިއީ އަނގަބޮޑު ހުޅުނބުގިނަ މަހެކެވެ މިމަހުގެ ތުން ކައިރީގައި ދެނަރުވާ ހުރެއެވެ
ބަތްޕެންހިކާ
ނ ހިކާގެ ބާވަތެއް. މިމަހުގެ މަތީބައިގެ ކުލައަކީ މުށިކުލައެވެ. ބޮލުން ފެށިގެން މަހުގެދިގަށް ފުޅާ ގަދަ މުށިކުލައިގެ ބޭންޑެއް ހުރެއެވެ ބުރިކަށިމަތީގައި ހުންނަނީ މުށިކުލައެވެ ބަނޑުދަށް ފަރާތުގެ ކުލައަކީ މަޑު ރީނދޫ ކުލައެވެ
ކަރުތެޔޮފުޅި
ނ )މ ( ތެޔޮފުޅިހިކާ
ކައްޓޫރި
ނ )ޅ ( ގަޅިޖެހިހިކާ
ކާށިހިކާ
ނ ހިކާގެ ބާވަތެއް. މިމަހުގެ ކުލައަކީ ގުރާފެހި ކުލައެވެ މަހުގެ ހުރަހަށް ކަޅުކުލައިގެ ފުޅާ ހަރޮނގު ހުރެއެވެ މަހުގެ ބޮލުގައި ފިޔާތޮށިކުލައިގެ ކުރެހުންތަކެއް ހުރެއެވެ
ކެޔޮފަތްހިކާ
ނ ހިކާގެބާވަތެއް މިހިކާހުންނާނީ ކެޔޮފަތް ކުލައިގައެވެ
އޮއިކާލި
ނ )ހ ( ހިކާދުރުކުރި
އޮއިކާލި
ނ )ހ ( (1) އެން ހިފާއިރު އެން ނޫން އެހެން މަސްތައް ދަލާ ދުރުކުރަން ޖަހާ ފިލިބޮނޑި (2) ހިކާދުރުކުރި
ވެލައްޓެހިކާ
ނ )ގ ( ގާފަޅުފަޅުގައި ހުންނަ ހިކާގެ ބާވަތެއް