radheef.info
ރަދީފު


ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހަތްކޮޅުނެގުން
މ ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުންގެ އިސްތަށިފުޅަށް ފުރަތަމަ ހަތްކޮޅު ފޮޅުވައިލުމާއި އެކަމާއި އެކުލެވިގެން ކުރާ ރަސްމީ ކަންތައްތައް ކުރުން
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ރާވަޅި
ނ (1) ހާލުގެ ފިނދުފަތް ގަނޑުގައި އާދައިގެ ފަތަށްވުރެ ދިގުކޮށް ހުންނަ ދެފަތް (2) ރަދުން ފިޔަވައި ހަތްކޮޅުނަގާ ބޭފުޅުންގެ ފަގުޑިކޮޅުގައި ރާވަޅިއެއްގެ ސިފައިގައި ރަނުން ހަދައިފައި ހުންނައެތި (3) ރައިވެރިން އެތްމަންނަން ގެންގުޅޭ ތިލަ ގުދުކޮށް ހުންނަ ވަޅި
ނަޣާރާ
ނ ތަބުލާއެއްފާޑަށް އެއްކޮޅުގައި ހަންއަޅައިފައި އޮންނަ ބޮޑުބެރެއް މިޖަހަނީ ހަތްކޮޅުނަގާ ދުވަހު ޚަޒީނާ ޖެހީމައެވެ
ބޮޑުސާހިބުން
މ ހަތްކޮޅު ނެގިބޭފުޅުންގެ ދަށަށްތިއްބަވާ މަތީ ދަރަޖައިގެ ބޭފުޅުން
އަނގަރަކާކޮޅު
ނ ރަދުންނާއި ހަތްކޮޅުނަގާ ބޭފުޅުން ތުރުކުރެއްވި އަނގަރަކާ
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަތްކަންއެޅިލިބާސްކޮޅު
ނ ހަތްކޮޅުނަގާ ބޭފުޅުން ޢިއްޒަތުގައި ވަޑައިގަންނަވާއިރު ތުރުކުރައްވާ ޖަރީކުޅަ ލިބާސްކޮޅު
އިއްޒަތަށްވަޑައިގަތުން
މ (1) ރަދުން ނުވަތަ ހަތްކޮޅު ނަގާ ބޭފުޅަކު ހަތްކޮޅު ނެގުމާއެކު ބެރުދުންމާރި ތާޅަފިލީގައި ވަޑައިގަތުން މިގޮތުގައި ވަޑައިގަންނަވާއިރު ކުރީގައި އަމާން ދިދަ ހުންނާނެއެވެ (2) ރަދުން ނުވަތަ ހަތްކޮޅު ނަގާ ބޭފުޅަކު އެކިއެކި ކަންތަކަށް ރަސްމީގޮތުން ވަޑައިގަތުން
އިއްޒަތުގެ ހެދުންކޮޅު
ނ ރަދުންނާއި ހަތްކޮޅު ނަގާ ބޭފުޅުންގެ ރަސްމީ ހެދުންކޮޅު
އިސްކަންދަރުހަރުބި
ނ ހަތްކޮޅު ނަގާބޭފުޅުން އިއްޒަތަށް ވަޑައިގަންނަވާއިރު ގަނޑުވަރުން ފެށިގެން އެވަޑައިގަންނަވާ ތާކަށް ވަޑައިގަންނަވާންދެން ދުންމާރީގައި ފުމޭ ހަރުބި
އިސްފާޅަ
ނ )ބދ ( ހަތްކޮޅު
މަންސަފާކޮޅު
ނ ހަތްކޮޅުނަގާ ބޭފުޅުންގެ އިއްޒަތުގެ ހެދުން ކޮޅެއް
މަލޫޠާކޮޅު
ނ ހަތްކޮޅު ނަގާ ބޭފުޅުންގެ ޢިއްޒަތުގެ ހެދުންކޮޅެއް
މޯޅިކޮށްލުން
މ (1) ދޫނިސޫފާސޫފީގެ ފިޔަގަނޑު ގަޔަށް ލަފައިލުން. (2) ހަތްކޮޅު ކުޑަފަދަ ތަކެތި ލައްޕާލުން (3) ލަދުގަސްފަދަ ބައެއް ގަސްގަހުގެ ފަތްތައް ލައްޕައިލުން
ފޮޅުވުން
މ (1) ހަތްކޮޅު ހުޅުވުން މިސާލު: ހަތްކޮޅު ފޮޅުވުން (2) ފޮޅުން މިބަސް އަނެކަކު ލައްވައި ކުރުވުމުގެ މާނަ ދޭހަކޮށް ދިނުމަށް ބުނެއުޅޭ ގޮތް
ތުނޑުސުފުރާ
ނ ހަތްކޮޅުނަގާ ބޭފުޅުންގެ ދަށަށް ތިއްބަވާ ބޭފުޅުން ފަރީއްކުޅުއްވާއިރު އަޅާފޮތިގަނޑު މިހުންނާނީ ހުދު ފޮތިގަނޑެއްގައި ކަޅުކަނޑިކީން ތުނޑު ބަރިއެއް އަޅައިފައެވެ
ތުއްރަވާސް
ނ ރަސްކަލުންނާއި ހަތްކޮޅުނަގާ ބޭފުޅުންގެ ފަގުޑިކޮޅުގެމެދުގައި ޖަހައިފައިހުންނަ ހިމަދިގު މާގަނޑެއްކަހަލަ އެއްޗެއް މިހަދައިފައި ހުންނަނީ ރަނުންނެވެ
ގަނޑުއެޅިލުންގި
ނ ރަސްރަސްކަލުންނާއި ހަތްކޮޅު ނަގާ ބޭފުޅުން އަނދެވަޑައިގަންނަވާ ޚާއްޞަ އެއްޗެއް މީގައި ހުންނާނީ ގޮޅި ހަމަވާ ގޮތަށް ރަން ކަސަބު ހިރުތަކެއް އަޅައިފައެވެ