radheef.info
ރަދީފު


ކޯދޮވުން
މ (1) އަނގައިގެތެރެ ދޮވުން (2) އަނގަޔަށް ފެންއަޅައިފައި އުކައިލުން (3) މަޖާޒު: ރޯދަވީއްލުން
ގިޔުގަނޑު
ނ (1) ފޮޓޯލޯގަނޑާއި ސަނދުވާ ފަދަ އެއްޗެހީގެ ވަށައިގެންވާ ފުރޭމު މަޖާޒު: (2) ޖަލްސާއެއް ސެމިނާރެއް ފަދަކަމެއް ކުރިޔަށް ގެންދާނެގޮތް ރާވާ ރޭވުން (3) ކަމެއް ހަމަޖެހިގެން ހިނގަމުން އަންނަ އުސޫލު މިސާލު: އިސްލާމީ ގިއުގަނޑު (4) )ހ ( ޢިމާރާތެއްގެ މަތިވަޑާންގަނޑު
މަހަށްބަނުން
މ މަހަށް އަތްއެޅުން
ބަކުންކިޔުން
މ ކުޑަކުދިންގެ ބަހުރުވައިގައި ކެއުން
ފުށްޖެހުން
މ (1) މޫނުގައި ނުވަތަ ގައިގައި ފުށްހޭކުން. (2) ފުށް އެރުން
ތިލަފަތްރުއް
ނ ފުލާއި މައްޗާ ފަތާކޮށްހުންނަ ކާށިގަންނަރުއް
ބަރަނި
ނ (1) އެއްކޮޅު ނިއުޅޭނޭހެން އުއި ނުވަތަ ފަށުވި ނުވަތަ ނައިލޯނުފަދަ އެއްޗެއްގެ ރޮދިން އޮޅައިފައި ހުންނަ ބޮނޑި. މީގެ ދެވައްތަރެއް ހުރެއެވެ. އެއީ ބޮނޑި ބަރަންޏާއި ދަނޑި ބަރަންޏެވެ (2) ރޮދި
ފިޔަވައި
އކ (1) މެނުވީ (2) ނޫނީ
ޒީނަތްތެރިކުރުން
މ ތަނެއް ނުވަތަ އެއްޗެއް ނުވަތަ މީހަކު ނަލަހައްދައި ރީތި ކޮށް ފުރިހަމަކުރުން
ބޮޑުމޭބިސްކަދުރު
ނ އޮށް ހުންނަ މޭބިސްކަދުރު
އެންކެޔޮޅުކަން
ނ އެންކެޔޮޅުގެ މަސައްކަތް
ފަންހުޅި
ނ ކިރިއްސައިފައި ހުންނަ ފަންވަތްތައް އެއްކޮށް ބަނދެފައި ހުންނަ ބޮނޑި
ދަމާކޫއްތާފައި ގެންދިއުން
މ ބިންމަތީގައި ކޭއްތޭގޮތަށް ގަދަކަމުން ދަމައިފައި ގެންދިއުން
ބަނޑިޔާޖެހުން
މ (1) ކިޔާލަވަޔަށް ހަމަވާގޮތަށް ލޯބަނޑިޔަލުގައި ޖަހަމުންކުޅޭ ކުޅިވަރެއް ބަނޑިޔަލުގައި ޖަހާއިރު ޖަހާނީ އަތުގައިވާ އަނގޮޓި ބަނޑިޔަލުގައި ޖެހޭގޮތަށެވެ އެއްބަނޑިޔާ ބޭނުން ކޮށްގެންވެސް އަދި ދެބަނޑިޔާ ބޭނުން ކޮށްގެންވެސް މިކުޅިވަރު ކުޅެއެވެ (2) ބަނޑިޔާ ލަނގިރި
ތުއިވުން
މ (1) ފިރިހެނުން ފެނުމުން އަންހެން ކުދިން ޅަވެގަނެގެން އުޅުން (2) އާތްވުން
ދުވަނި
ނ ޢާންމުކޮށް ކުޑަކުދިންގެ ގައިންނަގާ ބައްޔެއް މީގެ ދެތިން ވައްތަރު ހުރެއެވެ އެއީ )ހ( ގޮށް ދުވަނި )ށ( ރަސްދުވަނި މިއެވެ މިތަނުން އެންމެ ނުރައްކަލީ ރަސްދުވަންޏެވެ މިދުވަނިނަގާނީ ކަނދުރާއިން މަތިންނެވެ ތިރިއަށް ފައިބަމުންގޮސް މެޔަށްވުރެ ތިރިވެއްޖެނަމަ ވަރަށްބޮޑަށް ނުރައްކާވާނެއެވެ ބޮޑެތިމީހުންގެ ގައިން މިދުވަނި ނަގައިފިނަމަ ކިޔަނީ މާވިހައެވެ ދުވަނިވެއްޖެނަމަ ހުންނާނީނޫކޮށް ނުވަތަ ރަތްކޮށެވެ ގޮށް ދުވަނި ނަގާނީ ތަންތަން ކޮޅުގައިގޮށް ގޮށަށެވެ
ފަންގިވިނުން
މ ތިން އިލީގައި ތިން ފަށް ރޯނު ގުޅައިގެން ވަކި ދުރުމިނެއްގައި ބަހައްޓައިގެން ފަންވަތްތަކެއް ވަކިގޮތަކަށް އެމުނުން
ހިށުވައި
ނ )ސ ( ދަރަނި
ތެމާ
ނ ކަނޑުގައި ރާޅުނެތުމުން ވެފައިއޮންނަ އޮމާން
މިސާލު: އައްދޭ! މިއަދު ފަހޮޅި އެއްވެގެން އުޅޭ ދުވަހެއްތާ! ފަހޮޅި އެއްވުން
މ މަޖާޒު: އިހުގައި ބަޔަކުމީހުން ތަނަކަށް އެއްވެގެން އުޅޭއިރު ބުނާ ގޮތެއް